ಅಪಘಾತ: ಕಾರು ಚಾಲಕ ದಾರುಣ ಸಾವು

ಚಿಕ್ಕೋಡಿ ಬಳಿ ಕಾರು - ಬಸ್ ನಡುವೆ ಅಪಘಾತ ಕಾರು ಚಾಲಕ ಸ್ಥಳದಲ್ಲೇ ಸಾವು. ಘಟನೆಯಲ್ಲಿ ಗಂಭೀರವಾಗಿ ಗಾಯಗೊಂಡವರನ್ನ ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗಿದೆ.

ಚಿಕ್ಕೋಡಿ : ಬಸ್‌ಗೆ ಹಿಂದಿನಿಂದ ಕಾರು ಗುದ್ದಿದ ಪರಿಣಾಮ ಸ್ಥಳದಲ್ಲೇ ಕಾರು ಚಾಲಕ ಮೃತಪಟ್ಟಿದ್ದು, ನಾಲ್ವರು ಗಾಯಗೊಂಡ ಘಟನೆ ನಿಪ್ಪಾಣಿ ತಾಲೂಕಿನ ಚಿಕ್ಕೋಡಿ ರಸ್ತೆಯ ಕೋಥಳಿ ಕ್ರಾಸ್‌ ಬಳಿ ನಡೆದಿದೆ.

ಮಹಾರಾಷ್ಟ್ರ ರಾಜ್ಯದ ಸತಾರಾ ಜಿಲ್ಲೆಯ ವಾಯಿ ಗ್ರಾಮದ ನಿಶಿಕಾಂತ ದಿನಕರ ದಾವಲಕರ್​(40) ಮೃತಪಟ್ಟ ಕಾರು ಚಾಲಕ. ಅಪಘಾತದಲ್ಲಿ ಗಾಯಗೊಂಡಿರುವ ವಾಯಿ ಗ್ರಾಮದ ರಾಧಾ ಭೀಮರಾವ್​ ಕಾಲೋಕೆ(45), ರೂಪಾಲಿ ನಿಶಿಕಾಂತ ದಾವಲಕರ್​(38), ಕೊಲ್ಹಾಪುರದ ರವಿ ಮಹಾದೇವ ದಾವಲಕರ್​(34), ರಮೇಶ ಬಾಳು ಸೋನಟಕ್ಕೆ(35) ಅವರನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಕಾರು ಚಾಲಕನ ನಿಯಂತ್ರಣ ತಪ್ಪಿ ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದು, ಈ ಕುರಿತು ಖಡಕಲಾಟ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.