ಬೆಂಗಳೂರು: ಸಂಸದ ಡಿ.ಕೆ.ಸುರೇಶ್ ಅವರ ಹುಟ್ಟುಹಬ್ಬದ ಪ್ರಯುಕ್ತ ನಾಗರಬಾವಿ ಬಿಡಿಎ ಕಾಂಪ್ಲೆಕ್ಸ್‌ನಲ್ಲಿ ಕಾಂಗ್ರೆಸ್ ಯುವ ನಾಯಕಿ ಕುಸುಮಾ ಹೆ‌ಚ್ ಅವರ ನೇತೃತ್ವದಲ್ಲಿ ರಕ್ತದಾನ ಶಿಬಿರವನ್ನ ಆಯೋಜಿಸಲಾಗಿತ್ತು.
ಸಂಸದ ಡಿ.ಕೆ.ಸುರೇಶ್ ಹುಟ್ಟುಹಬ್ಬ ಪ್ರಯುಕ್ತ ಕುಸುಮಾ ಹೆ‌ಚ್ ರಕ್ತದಾನ
ಈ ಶಿಬಿರದಲ್ಲಿ ಸುಮಾರು 100ಕ್ಕೂ ಹೆಚ್ಚು ಮಂದಿ ರಕ್ತದಾನ ಮಾಡಿದರು. ಜೊತೆಗೆ ಸ್ವತಃ ಕುಸುಮಾ ಕೂಡ ರಕ್ತದಾನ ಮಾಡುವ ಮೂಲಕ ಇನ್ನು ಹೆಚ್ಚು ಜನರಿಗೆ ರಕ್ತದಾನ ಮಾಡಲು ಪ್ರೇರೇಪಿಸಿದರು.
ಓದಿ: ಕದ್ದ ಹೋರಿಗಳನ್ನು ಮಾಲೀಕನ ಜಮೀನು ಹತ್ತಿರ ಬಿಟ್ಟು ಹೋದ ಕಳ್ಳರು... ಯಾಕೆ ಗೊತ್ತಾ!?
ಈ ಕುರಿತು ಮಾತನಾಡಿದ ಕುಸುಮಾ, ಕೋವಿಡ್‌ನಿಂದಾಗಿ ಇತ್ತೀಚಿನ ದಿನಗಳಲ್ಲಿ ಅಗತ್ಯವಿರುವವರಿಗೆ ತುರ್ತು ಸಮಯಗಳಲ್ಲಿ ರಕ್ತ ಸಿಗದೇ ಅಭಾವ ಉಂಟಾಗಿದೆ. ಹೀಗಾಗಿ ಸಂಕಷ್ಟದಲ್ಲಿರುವವರಿಗ ಸಹಾಯ ಆಗಲಿ ಎಂದು ಡಿ. ಕೆ.ಸುರೇಶ್ ಅವರ ಜನ್ಮದಿನದಂದು ರಕ್ತದಾನ ಶಿಬಿರ ಆಯೋಜಿಸುವ ಮೂಲಕ ಅರ್ಥ ಪೂರ್ಣವಾಗಿ ಆಚರಿಸಬೇಕೆಂದು ಈ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ. ರಕ್ತದಾನಕ್ಕಿಂತ ಮಹಾದಾನ ಇಲ್ಲ. ಇದರಿಂದ ಎಷ್ಟೋ ಮಂದಿ ಜೀವ ಉಳಿಸಲು ಸಹಕಾರಿಯಾಗುತ್ತೆ. ಇದೇ ರೀತಿ, ಒಳ್ಳೆ ಕಾರ್ಯಗಳನ್ನ ಮಾಡುತ್ತ ಸಮಾಜಕ್ಕೆ ಒಳ್ಳೆ ಸಂದೇಶ ನೀಡಬೇಕು. ನಾನು ಕೂಡ ರಕ್ತದಾನ ಮಾಡಿದ್ದು ನನಗೂ ಖುಷಿ ತಂದಿದೆ ಎಂದರು.
