ಬೆಂಗಳೂರು: ಕೊರೊನಾ ಸೋಂಕು ಗಲ್ಲಿಗಲ್ಲಿಯಲ್ಲೂ ಹೊಕ್ಕು ಎಲ್ಲರಿಗೂ ಹರಡುತ್ತಿದೆ. ಇತ್ತ ದಿನೇದಿನೆ ಏರುತ್ತಿರುವ ಸೋಂಕಿತರ ಸಂಖ್ಯೆಗೆ ಆಸ್ಪತ್ರೆಗಳಲ್ಲಿ ಹಾಸಿಗೆ ಫುಲ್ ಆಗಿರೋದು ಗೊತ್ತಿರುವ ವಿಷಯ.
ಹೀಗಾಗಿ ರೋಗ ಲಕ್ಷಣಗಳು ಇಲ್ಲದವರಿಗೆ ಹೋಂ ಐಸೋಲೇಷನ್ಗೆ ಸರ್ಕಾರ ಅವಕಾಶ ಮಾಡಿಕೊಟ್ಟಿದೆ. ಅಂದಹಾಗೇ, ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯು ಹೋಂ ಐಸೋಲೇಷನ್ಗೆ ಹೊಸ ಗೈಡ್ಲೈನ್ ರಿಲೀಸ್ ಮಾಡಿದೆ.
ನೀವೇನಾದ್ರೂ ಹೋಂ ಐಸೋಲೇಷನ್ ಆಯ್ಕೆ ಮಾಡಿಕೊಂಡ್ರೆ ನಿಮ್ಗೆ ಈ ಷರತ್ತುಗಳು ಕಡ್ಡಾಯವಾಗಿ ಇರಲಿವೆ. ಅವುಗಳು ಇಂತಿವೆ..
- ಸೋಂಕು ತಗುಲಿದ ವ್ಯಕ್ತಿಗೆ ಸುಸಜ್ಜಿತ ಕೋಣೆ ಇರಬೇಕು.
- ಗಾಳಿ ಬೆಳಕು ಬರುವ ಜಾಗವಾಗಿರಬೇಕು.
- ಪ್ರತ್ಯೇಕ ಶೌಚಾಲಯ ಇರುವುದು ಕಡ್ಡಾಯ.
- ಸೋಂಕಿತ ವ್ಯಕ್ತಿಯ ಬಳಿ ಹಿರಿಯರು, ಮಕ್ಕಳು, ಅನಾರೋಗ್ಯ ಸಮಸ್ಯೆ ಉಳ್ಳವರು ಹೋಗುವಂತಿಲ್ಲ.
- ಸೋಂಕಿತರಿಂದ ಎಲ್ಲರೂ ಅಂತರ ಕಾಯ್ದುಕೊಳ್ಳಬೇಕು.
- ಮನೆ ಮುಂದೆ ಕೋವಿಡ್ ಇರುವುದಾಗಿ ದೊಡ್ಡ ಪೋಸ್ಟರ್ ಹಾಕಲಾಗುತ್ತೆ.
- 17 ದಿನಗಳ ಕಾಲ ಹೋಮ್ ಐಸೋಲೇಷನ್ ಸೀಲ್ ಹಾಕಲಾಗುತ್ತೆ..
- ಐಸೋಲೇಷನ್ ಕ್ರಮ ಉಲ್ಲಂಘನೆ ಮಾಡಿದ್ರೆ ಕಾನೂನು ಕ್ರಮ ಕೈಗೊಳ್ಳಲಾಗುತ್ತೆ.
- ಹೋಂ ಐಸೋಲೋಷನ್ಗೆ ಸರಿಯಾದ ಸ್ಥಳವಿಲ್ಲದೇ ಇದ್ದರೆ ಕೋವಿಡ್ ಕೇರ್ ಸೆಂಟರ್‌ಗೆ ಶಿಫ್ಟ್ ಮಾಡಲಾಗುತ್ತೆ.
- ಟೆಲಿ ಮಾನಿಟರ್ ಮಾಡಲಾಗುತ್ತೆ.
- ಸೋಂಕಿತ ಬಳಸಿದ ಮಾಸ್ಕ್, ಹ್ಯಾಂಡ್ ಗ್ಲೌಸ್ ಇತರೆ ವಸ್ತುಗಳನ್ನು 1 ಶೇ. ಸೋಡಿಯಂ ಹೈಪೋ ಕ್ಲೋರೈಡ್ ಮೂಲಕ 30 ನಿಮಿಷ ನೆನೆಯಲು ಪ್ರತ್ಯೇಕವಾಗಿಡಬೇಕು.
ಈ ಎಲ್ಲಾ ಷರತ್ತುಗಳು ಕಡ್ಡಾಯವಾಗಿ ಪಾಲಿಸಿ ಹೋಂ ಐಸೋಲೇಷನ್ನಲ್ಲಿ ಇರಬಹುದು.
