ಬೆಂಗಳೂರು: ಕೊರೊನಾ ಸೋಂಕಿತರು ಹಾಗೂ ಡಯಾಬಿಟಿಸ್ ರೋಗಿಗಳನ್ನು ಕಾಡುವ ಶಿಲೀಂಧ್ರ ಸೋಂಕು (ಬ್ಲ್ಯಾಕ್ ಫಂಗಸ್) ಪ್ರಕರಣಗಳು ದಿನೇ ದಿನೇ ಹೆಚ್ಚಳವಾಗುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ. ರಾಜ್ಯದ ಎಲ್ಲಾ ಜಿಲ್ಲೆಗಳಿಗೂ ಈ ರೋಗ ಕಾಲಿಟ್ಟಿದೆ.
ಪ್ರಸ್ತುತ ರಾಜ್ಯಾದ್ಯಂತ 3,232 ಜನರಿಗೆ ಬ್ಲ್ಯಾಕ್ ಅಥವಾ ಮ್ಯುಕೊರ್ಮೈಕೋಸಿಸ್ (Mucormycosis) ಸೋಂಕು ಇರುವುದು ಪತ್ತೆಯಾಗಿದೆ. ಸೋಂಕಿತ 2,967 ಜನರು ವಿವಿಧ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದು, 262 ಮಂದಿ ಅಸುನೀಗಿದ್ದಾರೆ.
ರಾಜಧಾನಿ ಬೆಂಗಳೂರಿನಲ್ಲಿ 1,039 ಜನರಿಗೆ ಸೋಂಕು ಇರುವುದು ವರದಿಯಾಗಿದೆ. 81 ಜನರು ಮೃತಪಟ್ಟಿದ್ದಾರೆ. ವಿಕ್ಟೋರಿಯಾ ಆಸ್ಪತ್ರೆಯಲ್ಲಿ 200, ಬೌರಿಂಗ್ ಆಸ್ಪತ್ರೆಯಲ್ಲಿ 277, ಕೆ.ಸಿ. ಜನರಲ್ ಆಸ್ಪತ್ರೆಯಲ್ಲಿ ಇಬ್ಬರಿಗೆ ಚಿಕಿತ್ಸೆ ನೀಡಲಾಗ್ತಿದೆ. 855 ಜನರು ವಿವಿಧ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸುಮಾರು 156 ಸೋಂಕಿತರು ಚಿಕಿತ್ಸೆ ನಡುವೆಯೂ ಡಿಸ್ಜಾರ್ಜ್ (ಡಿಸ್ಜಾರ್ಜ್ ಅಗೈನೆಸ್ಟ್ ಮೆಡಿಕಲ್ ಅಡ್ವೈಸ್ (DAMA) ಆಗಿದ್ದಾರೆ. ಅಲ್ಲದೆ ರಾಜ್ಯಾದ್ಯಂತ ಇಲ್ಲಿವರೆಗೆ 387 ಜನರು ಚೇತರಿಸಿಕೊಂಡಿದ್ದಾರೆ.
100ರ ಗಡಿದಾಟಿದ ಜಿಲ್ಲೆಗಳು:
ಬಾಗಲಕೋಟೆ - 118
ಬಳ್ಳಾರಿ - 127
ಬೆಳಗಾವಿ - 159
ಚಿತ್ರದುರ್ಗ - 131
ದಾವಣಗೆರೆ - 104
ಧಾರವಾಡ - 267
ಕಲಬುರಗಿ - 183
ಮೈಸೂರು - 112
ರಾಯಚೂರು - 114
ವಿಜಯಪುರ - 190
ಕಡಿಮೆ ಪ್ರಕರಣವಿರುವ ಜಿಲ್ಲೆಗಳು:
ಯಾದಗಿರಿ - 3
ಉತ್ತರಕನ್ನಡ - 8
ರಾಮನಗರ - 9
