ಬಾಗಲಕೋಟೆ : ಜಿಲ್ಲೆಯಲ್ಲಿ ಮತ್ತೆ ಮೂವರು ಕೊರೊನಾ ಸೋಂಕಿತರು ಗುಣಮುಖರಾಗಿದ್ದು, ಆಸ್ಪತ್ರೆಯಿಂದ ಡಿಸ್ಚಾರ್ಜ್ ಮಾಡಲಾಗಿದೆ. ಈ ಮೂಲಕ ಜಿಲ್ಲೆಯಲ್ಲಿ ಕೊರೊನಾದಿಂದ ಗುಣಮುಖರಾದವರ ಸಂಖೈ 69 ಕ್ಕೆ ಏರಿಕೆಯಾಗಿದೆ.
ಡಾಣಕಶಿರೂರ ಗ್ರಾಮದ 65 ವರ್ಷದ ವೃದ್ದ ಪಿ-686, ಬನಹಟ್ಟಿಯ 25 ವರ್ಷದ ಯುವಕ ಪಿ-854, ಮುಧೋಳನ 23 ವರ್ಷದ ಯುವಕ ಪಿ-977 ಕೊರೊನಾದಿಂದ ಗುಣಮುಖರಾದವರು.
ಈ ಮೊದಲು ಚಪ್ಪಾಳೆ ತಟ್ಟಿ, ಗುಣಮುಖರಾದ ರೋಗಿಗಳಿಗೆ ಸಸಿಗಳನ್ನು ನೀಡಿ, ವಿಶೇಷ ಆತಿಥ್ಯ ನೀಡಿ ಬಿಡುಗಡೆ ಮಾಡಲಾಗುತ್ತಿತ್ತು. ಆದರೆ, ಈ ಬಾರಿ ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ. ಪ್ರಕಾಶ ಬಿರಾದಾರ ಪ್ರಮಾಣ ಪತ್ರ ನೀಡಿ ಕಳುಹಿಸಿದ್ದಾರೆ.
ಜಿಲೆಯಿಂದ ಕಳುಹಿಸಲಾದ 1203 ಸ್ಯಾಂಪಲ್ಗಳ ಪೈಕಿ 190 ಸ್ಯಾಂಪಲಗಳ ವರದಿ ನೆಗಟಿವ್ ಬಂದಿದೆ. ಹೊಸದಾಗಿ ಮತ್ತೆ 66 ಸ್ಯಾಂಪಲ್ಗಳನ್ನು ಪರೀಕ್ಷೆಗೆ ರವಾನೆ ಮಾಡಲಾಗಿದೆ. ಒಟ್ಟು 1079 ಸ್ಯಾಂಪಲ್ಗಳ ವರದಿಯ ನಿರೀಕ್ಷೆಯಲ್ಲಿದೆ.
