ಪ್ಯಾರಿಸ್: ಇಟಲಿಯ ಜಾನಿಕ್ ಸಿನ್ನರ್ ವಿರುದ್ಧ ನೇರ ಸೆಟ್‌ಗಳ ಗೆಲುವು ಸಾಧಿಸಿದ ರಾಫೆಲ್ ನಡಾಲ್ 15ನೇ ಬಾರಿಗೆ ಫ್ರೆಂಚ್ ಓಪನ್ ಕ್ವಾರ್ಟರ್ ಫೈನಲ್ ತಲುಪಿದ್ದಾರೆ. ಮೂರನೇ ಶ್ರೇಯಾಂಕದ ನಡಾಲ್ 19 ವರ್ಷದ ಸಿನ್ನರ್ ಅವರನ್ನು 7-5, 6-3, 6-0 ಅಂಕಗಳಿಂದ ಸೋಲಿಸಿದರು.
'ಕಿಂಗ್ ಆಫ್ ಕ್ಲೇ ಕೋರ್ಟ್' ಖ್ಯಾತಿಯ ನಡಾಲ್ ಮುಂದಿನ ಪಂದ್ಯದಲ್ಲಿ 10ನೇ ಶ್ರೇಯಾಂಕದ ಡಿಯಾಗೋ ಶ್ವಾರ್ಟ್ಜ್ಮನ್ ಅವರನ್ನು ಎದುರಿಸಲಿದ್ದಾರೆ. ರಾಫಾ 2005ರಲ್ಲಿನ ಚೊಚ್ಚಲ ಪಂದ್ಯದ ಬಳಿಕ ರೋಲ್ಯಾಂಡ್ ಗ್ಯಾರೊಸ್‌ನಲ್ಲಿ ಕೇವಲ 2 ಪಂದ್ಯಗಳಲ್ಲಿ ಸೋತಿದ್ದು, 104 ಪಂದ್ಯಗಳನ್ನು ಜಯಿಸಿದ್ದಾರೆ. ಈ ಗೆಲುವಿನ ಮೂಲಕ ಪ್ಯಾರಿಸ್‌ನಲ್ಲಿ ಸತತ ಸೆಟ್‌ಗಳ ಗೆಲುವಿನ ಓಟವನ್ನು 35ಕ್ಕೆ ಏರಿಸಿಕೊಂಡಿದ್ದಾರೆ.
ವಿಶ್ವದ ಮೂರನೇ ಕ್ರಮಾಂಕದ ನಡಾಲ್ 13 ಫ್ರೆಂಚ್ ಓಪನ್ ಸೇರಿ ಒಟ್ಟೂ 20 ಗ್ರಾಂಡ್ಸ್ಲಾಂ ಟೂರ್ನಿ ಜಯಿಸಿದ್ದಾರೆ. ಸೆಮಿಫೈನಲ್‌ನಲ್ಲಿ ರಾಫೆಲ್, ಅಗ್ರ ಕ್ರಮಾಂಕದ ಆಟಗಾರ, 18 ಗ್ರಾಂಡ್ಸ್ಲಾಂ ಗೆದ್ದಿರುವ ಪ್ರಬಲ ಪ್ರತಿಸ್ಪರ್ಧಿ ನೊವಾಕ್ ಜೋಕೊವಿಕ್ ಅವರನ್ನು ಎದುರಿಸುವ ಸಾಧ್ಯತೆಯಿದೆ.
ಇದನ್ನೂ ಓದಿ: ಫ್ರೆಂಚ್ ಓಪನ್ 2021: ಜೋಕೊವಿಕ್ ಬೆವರಿಳಿಸಿ ರೋಚಕವಾಗಿ ಸೋತ 19ರ ಯುವಕ
