ಪ್ರೊ ಕಬಡ್ಡಿ ಸೆಮಿಫೈನಲ್ಸ್: ಇಂದು ಬುಲ್ಸ್​ಗೆ​ ಡೆಲ್ಲಿ ಸವಾಲು, ಪಾಟ್ನಾ- ಯು.ಪಿ ಪೈಪೋಟಿ

ಪ್ರೊ ಕಬಡ್ಡಿ ಲೀಗ್‌ 8ನೇ ಆವೃತ್ತಿಯ ಸೆಮಿಫೈನಲ್‌ ಹಣಾಹಣಿಯಲ್ಲಿ ಪಾಟ್ನಾ ಪೈರೇಟ್ಸ್‌ ತಂಡವು ಯು.ಪಿ.ಯೋಧಾ ವಿರುದ್ಧವೂ ಹಾಗೂ ಮತ್ತೊಂದು ಸೆಮೀಸ್​ನಲ್ಲಿ ಬೆಂಗಳೂರು ಬುಲ್ಸ್​ ಹಾಗೂ ದಬಾಂಗ್‌ ಡೆಲ್ಲಿ ತಂಡಗಳು ಕಣಕ್ಕಿಳಿಯಲಿವೆ.

ಬೆಂಗಳೂರು: ಪ್ರೊ ಕಬಡ್ಡಿ ಲೀಗ್‌ 8ನೇ ಆವೃತ್ತಿಯು ಅಂತಿಮ ಹಂತದತ್ತ ತಲುಪಿದೆ. ಇಂದು ನಡೆಯಲಿರುವ ಸೆಮಿಫೈನಲ್‌ ಪಂದ್ಯದಲ್ಲಿ ಮೂರು ಬಾರಿಯ ಚಾಂಪಿಯನ್‌ ಪಾಟ್ನಾ ಪೈರೇಟ್ಸ್‌ ತಂಡವು ಯು.ಪಿ.ಯೋಧಾ ವಿರುದ್ಧ ಹಾಗೂ ಮತ್ತೊಂದು ಸೆಮೀಸ್​ನಲ್ಲಿ ಬೆಂಗಳೂರು ಬುಲ್ಸ್​ ಹಾಗೂ ದಬಾಂಗ್‌ ಡೆಲ್ಲಿ ತಂಡಗಳು ಕಾದಾಡಲಿವೆ.

ಸೋಮವಾರ ನಡೆದ ಎಲಿಮಿನೇಟರ್‌ ಪಂದ್ಯದಲ್ಲಿ ಗುಜರಾತ್‌ ಜೈಂಟ್ಸ್‌ ವಿರುದ್ಧ ಗೆದ್ದು ಸೆಮಿಫೈನಲ್​ಗೆ ಲಗ್ಗೆ ಇಟ್ಟಿರುವ ಪವನ್‌ ಕುಮಾರ್‌ ಶೆರಾವತ್ ಸಾರಥ್ಯದ ಬುಲ್ಸ್‌, ಮೂರನೇ ಸಲ ಅಂತಿಮ ಹಂತಕ್ಕೆ ತಲುಪುವ ಗುರಿ ಹೊಂದಿದೆ. 2015ರ 2ನೇ ಸೀಸನ್​ನಲ್ಲಿ ಮೊದಲ ಬಾರಿಗೆ ಫೈನಲ್‌ ತಲುಪಿದ್ದ ಬುಲ್ಸ್ ಯು ಮುಂಬಾ ವಿರುದ್ಧ ಸೋಲುಂಡಿತ್ತು. ಬಳಿಕ 2018ರ 6ನೇ ಆವೃತ್ತಿಯಲ್ಲಿ ಗುಜರಾತ್‌ ವಿರುದ್ಧ ಗೆದ್ದು ಚಾಂಪಿಯನ್‌ ಪಟ್ಟಕ್ಕೇರಿತ್ತು.

• 4️⃣ Semi-finalists
  1️⃣ #VIVOProKabaddi 🏆
  ♾️ Entertainment 🤩
  
  Who are you backing? 🥳 #SuperhitPanga @UpYoddha @PatnaPirates @DabangDelhiKC @BengaluruBulls pic.twitter.com/zLDlOfVqL8

  — ProKabaddi (@ProKabaddi) February 21, 2022 " class="align-text-top noRightClick twitterSection" data="

  4️⃣ Semi-finalists
  1️⃣ #VIVOProKabaddi 🏆
  ♾️ Entertainment 🤩
  
  Who are you backing? 🥳 #SuperhitPanga @UpYoddha @PatnaPirates @DabangDelhiKC @BengaluruBulls pic.twitter.com/zLDlOfVqL8

  — ProKabaddi (@ProKabaddi) February 21, 2022

  ">

  4️⃣ Semi-finalists
  1️⃣ #VIVOProKabaddi 🏆
  ♾️ Entertainment 🤩
  
  Who are you backing? 🥳 #SuperhitPanga @UpYoddha @PatnaPirates @DabangDelhiKC @BengaluruBulls pic.twitter.com/zLDlOfVqL8

  — ProKabaddi (@ProKabaddi) February 21, 2022

ಸದ್ಯ ಎರಡನೇ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿರುವ ಬೆಂಗಳೂರು ಬುಲ್ಸ್​ ತಂಡಕ್ಕೆ ದಬಾಂಗ್​ ಡೆಲ್ಲಿ ಎದುರಾಳಿಯಾಗಿದೆ. ಇದಕ್ಕೂ ಮುನ್ನ ರೌಂಡ್‌ ರಾಬಿನ್‌ ಹಂತದ ಎರಡು ಕಾದಾಟದಲ್ಲಿ ಬುಲ್ಸ್‌ ಮೊದಲ ಪಂದ್ಯದಲ್ಲಿ ವಿರುದ್ಧ 61-22ರಿಂದ ಭರ್ಜರಿ ಗೆಲುವು ಸಾಧಿಸಿದ್ದರೆ, ಎರಡನೇ ಪಂದ್ಯ ಟೈನಲ್ಲಿ ಅಂತ್ಯಗೊಂಡಿತ್ತು.

ಇದನ್ನೂ ಓದಿ: U19 ವಿಶ್ವಕಪ್ ವೇಳೆ ಭಾರತದ ಯುವಕರು ಎದುರಿಸಿದ ಕಷ್ಟಗಳನ್ನು ಬಿಚ್ಚಿಟ್ಟ ಟೀಮ್ ಮ್ಯಾನೇಜರ್

ಈ ಆವೃತ್ತಿಯ 23 ಪಂದ್ಯಗಳಲ್ಲಿ 286 ರೈಡ್‌ ಅಂಕ ಸಂಪಾದಿಸಿರುವ ನಾಯಕ ಪವನ್‌, ಬುಲ್ಸ್‌ ತಂಡದ ಆಧಾರಸ್ತಂಭವಾಗಿದ್ದಾರೆ. ಇನ್ನುಳಿದಂತೆ ಭರತ್‌ ಹಾಗೂ ಚಂದ್ರನ್‌ ರಂಜಿತ್‌ ಪವನ್​ಗೆ ಸಾಥ್​ ನೀಡಿದ್ದಾರೆ.

ರೌಂಡ್‌ ರಾಬಿನ್‌ ಹಂತದಲ್ಲಿ 2ನೇ ಸ್ಥಾನಕ್ಕೇರಿದ್ದ ಡೆಲ್ಲಿ ನೇರವಾಗಿ ಸೆಮಿಫೈನಲ್‌ ಪ್ರವೇಶಿಸಿದೆ. ಸ್ಟಾರ್​ ರೈಡರ್‌ ನವೀನ್‌ ಕುಮಾರ್​ ಅವರನ್ನು ಕಟ್ಟಿಹಾಕುವ ಸವಾಲು ಬುಲ್ಸ್​​ ಎದುರಿಗಿದೆ.

4ನೇ ಪ್ರಶಸ್ತಿಯತ್ತ ಪಾಟ್ನಾ: 2016ರ ನಂತರ ಹ್ಯಾಟ್ರಿಕ್‌ ಚಾಂಪಿಯನ್‌ ಆಗಿದ್ದ ಪಾಟ್ನಾ ಪೈರೇಟ್ಸ್‌ ಈ ಬಾರಿ ಅಗ್ರಸ್ಥಾನಿಯಾಗಿ ಸೆಮಿಫೈನಲ್​ ತಲುಪಿದೆ. ಪ್ರಶಸ್ತಿ ಗೆಲ್ಲುವ ಫೇವರಿಟ್‌ ಎನಿಸಿಕೊಂಡಿದೆ. ಕನ್ನಡಿಗ ಪ್ರಶಾಂತ್‌ ಕುಮಾರ್‌ ನೇತೃತ್ವದ ತಂಡವು ಇಂದು ಮೊದಲ ಸೆಮೀಸ್‌ನಲ್ಲಿ ಯು.ಪಿ.ಯೋಧಾ ವಿರುದ್ಧ ಕಣಕ್ಕಿಳಿಯಲಿದೆ. ಸ್ಟಾರ್​ ರೈಡರ್‌ ಪ್ರದೀಪ್‌ ನರ್ವಾಲ್‌ ಸೇರಿ ಪ್ರಮುಖ ಆಟಗಾರರಿರುವ ಯೋಧಾ ಟೀಂ ಚೊಚ್ಚಲ ಫೈನಲ್‌ ಮೇಲೆ ಕಣ್ಣಿಟ್ಟಿದೆ.

ಪಂದ್ಯಗಳು:

ಸ್ಥಳ: ಬೆಂಗಳೂರು

ನೇರಪ್ರಸಾರ: ಸ್ಟಾರ್‌ಸ್ಪೋರ್ಟ್ಸ್‌, ಹಾಟ್‌ಸ್ಟಾರ್

ಸಂಜೆ 7.30ಕ್ಕೆ ಮೊದಲ ಸೆಮಿಫೈನಲ್​ - ಪಾಟ್ನಾ ಪೈರೇಟ್ಸ್‌ Vs ಯು.ಪಿ.ಯೋಧಾ

ಸಂಜೆ 8.30ಕ್ಕೆ ಎರಡನೇ ಸೆಮಿಫೈನಲ್​ - ಬೆಂಗಳೂರು ಬುಲ್ಸ್​ Vs ದಬಾಂಗ್‌ ಡೆಲ್ಲಿ