ವಿಶ್ವಕಪ್ ಕ್ರಿಕೆಟ್: ಚರಿತ್​ ಅಸಲಂಕಾ ಏಕಾಂಗಿ ಆಟ; ಬಾಂಗ್ಲಾಕ್ಕೆ 280 ರನ್​ಗಳ ಗುರಿ

Bangladesh vs Sri Lanka match: ಬಾಂಗ್ಲಾದ ವಿರುದ್ಧ ದೆಹಲಿಯ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ಶ್ರೀಲಂಕಾ 279ರನ್​ ಕಲೆಹಾಕಿದೆ.

ನವದೆಹಲಿ: ಚರಿತ್​ ಅಸಲಂಕಾ ಶತಕದ ಇನ್ನಿಂಗ್ಸ್​ ಮತ್ತು ಪಾತುಮ್ ನಿಸ್ಸಾಂಕ, ಸದೀರ ಸಮರವಿಕ್ರಮ ಅವರ ಆಟದ ನೆರವಿನಿಂದ ಶ್ರೀಲಂಕಾ ಇಲ್ಲಿನ ಅರುಣ್ ಜೇಟ್ಲಿ ಕ್ರೀಡಾಂಗಣದಲ್ಲಿ ಬಾಂಗ್ಲಾದೇಶದ ವಿರುದ್ಧ 49.3 ಬಾಲ್​ಗೆ ಸರ್ವಪತನ ಕಂಡಿದ್ದು, 279 ರನ್ ಕಲೆಹಾಕಿದೆ. ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ಒಂದೇ ಗೆಲುವು ಕಂಡು ಈಗಾಗಲೇ ಟೂರ್ನಿಯಿಂದ ಬಾಂಗ್ಲಾದೇಶ ಹೊರಬಿದ್ದಿದೆ. ಆದರೆ 2025ರ ಚಾಂಪಿಯನ್ಸ್​ ಟ್ರೋಫಿಗೆ ತಂಡದ ಪ್ರವೇಶಕ್ಕೆ ಗುರಿ ಇಟ್ಟುಕೊಂಡಿರುವ ಶಕೀಬ್​ ಅಲ್​ ಹಸನ್​ ವಿಶ್ವಕಪ್​ನಲ್ಲಿ ಬಾಕಿ ಇರುವ ಎರಡು ಪಂದ್ಯಗಳನ್ನು ಗೆಲ್ಲುವ ತವಕದಲ್ಲಿದ್ದಾರೆ.

• Brilliant Century by Charith Aslanka! An incredible innings that rescued the team from a tough spot.#SLvBAN #CWC23 #LankanLions pic.twitter.com/8ZYEk23tJW

  — Sri Lanka Cricket 🇱🇰 (@OfficialSLC) November 6, 2023 " class="align-text-top noRightClick twitterSection" data="

  Brilliant Century by Charith Aslanka! An incredible innings that rescued the team from a tough spot.#SLvBAN #CWC23 #LankanLions pic.twitter.com/8ZYEk23tJW

  — Sri Lanka Cricket 🇱🇰 (@OfficialSLC) November 6, 2023

  ">

  Brilliant Century by Charith Aslanka! An incredible innings that rescued the team from a tough spot.#SLvBAN #CWC23 #LankanLions pic.twitter.com/8ZYEk23tJW

  — Sri Lanka Cricket 🇱🇰 (@OfficialSLC) November 6, 2023

ಶ್ರೀಲಂಕಾಕ್ಕೆ ವಿಶ್ವಕಪ್​ ಅಂಕಪಟ್ಟಿಯಲ್ಲಿ ಅದಕ್ಕಿಂತ ಮೇಲಿರುವ ತಂಡಗಳು ಸತತ ಸೋಲು ಕಂಡಲ್ಲಿ ಸೆಮೀಸ್​ ಪ್ರವೇಶಿಸುವ ಅವಕಾಶ ಇದೆ. ಈ ರೀತಿ ಅದೃಷ್ಟ ದೊರೆತಲ್ಲಿ ಅದನ್ನು ಬಳಸಿಕೊಳ್ಳಬೇಕಾದರೆ, ಲಂಕಾ ಇಂದು (ನ.6) ಮತ್ತು ನವೆಂಬರ್​ 9 ರಂದು ನಡೆಯಲಿರುವ ಪಂದ್ಯದಲ್ಲಿ ಉತ್ತಮ ಪ್ರದರ್ಶನ ನೀಡಿ ಗೆಲ್ಲಬೇಕಿದೆ. ಇದೇ ಲೆಕ್ಕಾಚಾರದಲ್ಲಿ ಕುಸಲ್​ ಮೆಂಡಿಸ್​ ತಂಡವನ್ನು ಮುನ್ನಡೆಸುತ್ತಿದ್ದಾರೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಲಂಕಾ 5 ರನ್​ ಆಗಿದ್ದಾಗಲೇ ಕುಸಲ್ ಪೆರೇರಾ (4) ಅವರನ್ನು ಕಳೆದುಕೊಂಡಿತು. ಎರಡನೇ ವಿಕೆಟ್​ಗೆ 61 ರನ್​ಗಳ ಜೊತೆಯಾಟವನ್ನು ಪಾತುಮ್ ನಿಸ್ಸಾಂಕ ಮತ್ತು ಕುಸಲ್ ಮೆಂಡಿಸ್ ಮಾಡಿದರು. 19 ರನ್​ ಗಳಿಸಿದ್ದ ನಾಯಕ ಕುಸಲ್ ಮೆಂಡಿಸ್ ವಿಕೆಟ್​ ಕಳೆದುಕೊಂಡರೆ, 41ಕ್ಕೆ ಪಾತುಮ್ ನಿಸ್ಸಾಂಕ ಔಟ್​ ಆದರು. ಇಬ್ಬರು 10 ರನ್​ಗಳ ಅಂತರದಲ್ಲಿ ವಿಕೆಟ್​ ಕಳೆದುಕೊಂಡಿದ್ದರು. ನಾಲ್ಕನೇ ವಿಕೆಟ್​ಗೆ​ ಮಧ್ಯಮ ಕ್ರಮಾಂಕದ ಬ್ಯಾಟರ್​​ಗಳಾದ ಸದೀರ ಸಮರವಿಕ್ರಮ ಮತ್ತು ಚರಿತ್ ಅಸಲಂಕಾ 63 ರನ್​ಗಳ ಪಾಲುದಾರಿಕೆ ಹಂಚಿಕೊಂಡರು. 41 ರನ್ ​ಗಳಿಸಿದ್ದ ಸದೀರ ಸಮರವಿಕ್ರಮ ವಿಕೆಟ್​ ಪತನದಿಂದ ಜೊತೆಯಾಟ್​ ಬ್ರೇಕ್​ ಆಯಿತು.

• Target set! Sri Lanka puts up 279 on the board. Now, it's time to defend with all our might! #SLvBAN #CWC23 #LankanLions pic.twitter.com/g75u3f9j8c

  — Sri Lanka Cricket 🇱🇰 (@OfficialSLC) November 6, 2023 " class="align-text-top noRightClick twitterSection" data="

  Target set! Sri Lanka puts up 279 on the board. Now, it's time to defend with all our might! #SLvBAN #CWC23 #LankanLions pic.twitter.com/g75u3f9j8c

  — Sri Lanka Cricket 🇱🇰 (@OfficialSLC) November 6, 2023

  ">

  Target set! Sri Lanka puts up 279 on the board. Now, it's time to defend with all our might! #SLvBAN #CWC23 #LankanLions pic.twitter.com/g75u3f9j8c

  — Sri Lanka Cricket 🇱🇰 (@OfficialSLC) November 6, 2023

ಮೆಂಡಿಸ್​ ಟೈಮ್​ಔಟ್​ಗೆ ಬಲಿ : ಸದೀರ ಸಮರವಿಕ್ರಮ ಔಟ್ ಆಗಿ ಹೊರಗೆಹೋದ ನಂತರ ಏಂಜೆಲೊ ಮ್ಯಾಥ್ಯೂಸ್ ಕ್ರೀಸ್​ಗೆ ಬರಲು ಎರಡು ನಿಮಿಷಕ್ಕಿಂತ ಹೆಚ್ಚು ಸಮಯ ತೆಗೆದುಕೊಂಡ ಕಾರಣಕ್ಕೆ ಟೈಮ್​ಔಟ್​ ಆದಾರದಲ್ಲಿ ಅವರನ್ನು ಪೆವಿಲಿಯನ್​ಗೆ ಕಳಿಸಲಾಯಿತು. ಅಂತಾರಾಷ್ಟ್ರೀಯ ಕ್ರಿಕೆಟ್​ನಲ್ಲಿ ಟೈಮ್​ ಔಟ್​ಗೆ ಬಲಿಯಾದ ಮೊದಲ ಕ್ರಿಕೆಟಿಗ ಎಂಬ ಅಪಖ್ಯಾತಿಗೆ ಒಳಗಾದರು. ಒಂದು ಬಾಲ್​ ಆಡದೇ ಔಟ್ ಎಂದು ಅಂಪೈರ್​ ನಿರ್ಣಯಿಸಿದರು.

ಏಕಾಂಗಿ ಹೋರಾಟ್ ನಡೆಸಿದ ಅಸಲಂಕಾ: ಚರಿತ್ ಅಸಲಂಕಾ ಲಂಕಾ ಪರ ಏಕಾಂಗಿಯಾಗಿ ನಿಂತು ಆಡಿದರು. ಧನಂಜಯ ಡಿ ಸಿಲ್ವಾ (34) ಮತ್ತು ಮಹೇಶ್ ತೀಕ್ಷ್ಣ (22) ಅವರೊಂದಿಗೆ ಇನ್ನಿಂಗ್ಸ್​ ಬೆಳೆಸಿದ ಅಸಲಂಕಾ ನಡೆಯುತ್ತಿರುವ ವಿಶ್ವಕಪ್​ನಲ್ಲಿ ಶ್ರೀಲಂಕಾ ಪರ ಮೊದಲ ಶತಕವನ್ನು ದಾಖಲಿಸಿದರು. 105 ಬಾಲ್​ನಲ್ಲಿ 6 ಬೌಂಡರಿ, 5 ಸಿಕ್ಸ್​ನಿಂದ 108 ರನ್​ ಗಳಿಸಿ ಅಸಲಂಕಾ ವಿಕೆಟ್​ ಕೊಟ್ಟರು. ಇವರ ಈ ಇನ್ನಿಂಗ್ಸ್​ನ ನೆರವಿನಿಂದ ಲಂಕಾ 250ರ ಗಡಿ ದಾಟಿತು. ಕೊನೆಗೆ ಬಾಲಂಗೋಚಿಗಳು ವಿಕೆಟ್​ ಉಳಿಸಿಕೊಳ್ಳದ ಕಾರಣ 49.3 ಓವರ್​ಗೆ 279ಕ್ಕೆ ಸಿಹಳೀಯರು ಸರ್ವಪತನ ಕಂಡರು.

• " class="align-text-top noRightClick twitterSection" data="">

ಬಾಂಗ್ಲಾ ಪರ ತನ್ಜಿಮ್ ಹಸನ್ ಸಾಕಿಬ್ 3 ಮತ್ತು ಶಾಕಿಬ್ ಅಲ್ ಹಸನ್, ಶೋರಿಫುಲ್ ಇಸ್ಲಾಂ ತಲಾ ಎರಡು ವಿಕೆಟ್​ ಪಡೆದು ಮಿಂಚಿದರು.

ಇದನ್ನೂ ಓದಿ: ವಿಶ್ವಕಪ್​ : ನಾಳೆ ಆಸ್ಟ್ರೇಲಿಯಾ - ಅಫ್ಘಾನ್​ ಪಂದ್ಯ; ಸೆಮೀಸ್​ಗೆ ಲಗ್ಗೆ ಇಡಲು ಪೈಪೋಟಿ