ಮುಂಬೈ: ಕಳೆದ ಒಂದಷ್ಟು ಇನ್ನಿಂಗ್ಸ್ಗಳ ಭಾರಿ ವೈಫಲ್ಯದ ನಂತರ ಮಯಾಂಕ್ ಕಿವೀಸ್ ವಿರುದ್ಧದ 2ನೇ ಟೆಸ್ಟ್ನಲ್ಲಿ ಆಕರ್ಷಕ ಶತಕದ ಮೂಲಕ ಅದ್ಭುತ ಕಮ್ಬ್ಯಾಕ್ ಮಾಡಿದ್ದು, ಇದಕ್ಕೆಲ್ಲ ಧೈರ್ಯ ಮತ್ತು ದೃಢ ಸಂಕಲ್ಪ ಕಾರಣ ಎಂದು ಹೇಳಿದ್ದಾರೆ.
ಒಂದು ಕಡೆ ವಿಕೆಟ್ ಉರುಳುತ್ತಿದ್ದರೂ ಮತ್ತೊಂದು ಕಡೆ ಕಿವೀಸ್ ಬೌಲರ್ಗಳು ಸೆಟ್ ಆಗಲು ಬಿಡದೇ ಅದ್ಭುತ ಬ್ಯಾಟಿಂಗ್ ಮಾಡಿದ ಅಗರ್ವಾಲ್ 325 ಎಸೆತಗಳಲ್ಲಿ 17 ಬೌಂಡರಿ ಮತ್ತು 4 ಭರ್ಜರಿ ಸಿಕ್ಸರ್ಗಳ ನೆರವಿನಿಂದ 150 ರನ್ಗಳಿಸಿದರು. ಹೆಚ್ಚು ಕಡಿಮೆ ತಂಡದ ಅರ್ಧದಷ್ಟು ರನ್ಗಳಿಸಿದ ಕನ್ನಡಿಗ ತಾವೂ ವೈಫಲ್ಯದಿಂದ ಹೊರಬರಲು ಮಾನಸಿಕವಾಗಿ ಕೆಲವು ಬದಲಾವಣೆ ಮಾಡಿಕೊಂಡಿದ್ದೇನೆಯೇ ಹೊರತೂ ರನ್ನ ಬ್ಯಾಟಿಂಗ್ ತಂತ್ರಗಾರಿಕೆಯಲ್ಲಲ್ಲ ಎಂದು ತಿಳಿಸಿದ್ದಾರೆ.
"ನನಗೆ ಅದು(ಶತಕ) ತುಂಬಾ ಅದ್ಭುತ ಮತ್ತು ಅದು ಉತ್ತಮ ಎನಿಸುತ್ತಿದೆ. ಈ ಇನ್ನಿಂಗ್ಸ್ ಎಲ್ಲ ಧೈರ್ಯ ಮತ್ತು ದೃಢ ಸಂಕಲ್ಪದಿಂದ ಕೂಡಿದೆ" ಎಂದು ಪಂದ್ಯದ ನಂತರ ಬ್ರಾಡ್ಕಾಸ್ಟರ್ ಜೊತೆ ಮಾತನಾಡುವ ಸಂದರ್ಭದಲ್ಲಿ ತಿಳಿಸಿದರು.
ತಾವೂ ಬ್ಯಾಟಿಂಗ್ ಮಾಡುವ ವೇಳೆ ಅನುಭವಿಸಿದ ಸವಾಲುಗಳಿಗೆ ಉತ್ತರಿಸುತ್ತ," ನಾನು ಹೆಚ್ಚೇನು ಬದಲಾವಣೆ ಮಾಡಿಕೊಳ್ಳಲಿಲ್ಲ, ತಂತ್ರಗಾರಿಕೆಗಿಂತ ಹೆಚ್ಚು ಮಾನಸಿಕವಾಗಿ ಸದೃಢನಾಗಿರಲು ಪ್ರಯತ್ನಿಸಿದೆ. ನನ್ನ ಬ್ಯಾಟಿಂಗ್ ಬಗ್ಗೆ ಹೇಳುವುದಾದರೆ, ನಾನು ದಾಳಿ ಮಾಡದಿದ್ದರೆ ಮತ್ತೆ ಸಿಲುಕಿಕೊಳ್ಳುತ್ತೇನೆ, ಹಾಗಾಗಿ ಅಜಾಜ್ ಪಟೇಲ್ ಅವರನ್ನು ಒತ್ತಡದಲ್ಲಿರುವಂತೆ ಮಾಡದಿದ್ದರೆ, ಉತ್ತಮ ಪ್ರದೇಶಗಳಲ್ಲಿ ಬೌಲಿಂಗ್ ಮಾಡಬಹುದೆಂದು ತಿಳಿದು ಸ್ಫೋಟಕ ಬ್ಯಾಟಿಂಗ್ ಮುಂದುವರಿಸಿದೆ ಎಂದು ತಿಳಿಸಿದ್ದಾರೆ.
ಇದನ್ನೂ ಓದಿ: ಕೋಚ್ ರಾಹುಲ್ ಹೇಳಿದ ಮಾತು ಉಳಿಸಿಕೊಂಡ ಮಯಾಂಕ್.. ಇದಕ್ಕೆ ಕಾರಣವಾಗಿದ್ದು ಸುನಿಲ್ ಗವಾಸ್ಕರ್!
