ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್​ನಿಂದ ನಿವೃತ್ತಿಯಾಗಿ ಒಂದು ವರ್ಷ : ಲೆಜೆಂಡರಿ ಕ್ರಿಕೆಟಿಗನನ್ನು ನೆನೆದ ICC, BCCI

ಒಂದು ವರ್ಷದ ಅಂತರದಲ್ಲಿ ಕ್ರಿಕೆಟ್​ ಪದಾರ್ಪಣೆ ಮಾಡಿದರೂ ದಶಕಗಳ ಕಾಲ ಧೋನಿ ಜೊತೆಯಾಗಿ ಆಡಿದ್ದ ಆಲ್​ರೌಂಡರ್​ ಸುರೇಶ್​ ರೈನಾ ಕೂಡ ಗೆಳೆಯ ನಿವೃತ್ತಿ ಘೋಷಿಸಿದ ಕೇವಲ ಅರ್ಧಗಂಟೆಯ ಅಂತರದಲ್ಲಿ ತಾವೂ ಕೂಡ ಎಲ್ಲಾ ಮಾದರಿಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ್ದರು..

ಮುಂಬೈ : ಭಾರತ ಕ್ರಿಕೆಟ್​ ಕಂಡ ಶ್ರೇಷ್ಠ ನಾಯಕ, ದೇಶಕ್ಕೆ 2 ವಿಶ್ವಕಪ್​ ಸೇರಿದಂತೆ 3 ಐಸಿಸಿ ಟ್ರೋಫಿಗಳನ್ನು ತಂದುಕೊಟ್ಟಿದ್ದ ಎಂ ಎಸ್ ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿ ಇಂದಿಗೆ ಒಂದು ವರ್ಷ ಕಳೆದಿದೆ.

ಆಗಸ್ಟ್​ 15, 2020 ದೇಶ 74ನೇ ಸ್ವಾತಂತ್ರ್ಯ ದಿನದ ಸಂಭ್ರಮದಲ್ಲಿದ್ದಾಗ ಧೋನಿ ತಮ್ಮ ಇನ್​ಸ್ಟಾಗ್ರಾಮ್​ ಖಾತೆಯಲ್ಲಿ ವಿಡಿಯೋ ಒಂದನ್ನು ಶೇರ್​ ಮಾಡಿಕೊಂಡು 1929(7 ಗಂಟೆ, 29 ನಿಮಿಷ)ದಿಂದ ನಾನು ನಿವೃತ್ತಿಯಾಗಿದ್ದೇನೆ ಎಂದು ಪರಿಗಣಿಸಬಹುದು ಎಂದು ಬರೆಯುವ ಮೂಲಕ ಕ್ರಿಕೆಟ್​ ಜಗತ್ತಿಗೆ ಶಾಕ್ ನೀಡಿದ್ದರು. ಸ್ವಾತಂತ್ರ್ಯೋತ್ಸವದ ಸಂಭ್ರಮದಲ್ಲಿದ್ದ ಧೋನಿ ಅಭಿಮಾನಿಗಳಿಗೆ ಇದು ನಿಜಕ್ಕೂ ದಿಗ್ಭ್ರಮೆಯನ್ನುಂಟು ಮಾಡಿತ್ತು.

• 💬 "From 1929 hrs consider me as Retired"#OnThisDay in 2020, MS Dhoni bid adieu to international cricket 🙌
  
  📽️ Watch the legends of the game decipher what made MSD such a special player and leader.pic.twitter.com/BoXdR99412

  — ICC (@ICC) August 15, 2021 " class="align-text-top noRightClick twitterSection" data="

  💬 "From 1929 hrs consider me as Retired"#OnThisDay in 2020, MS Dhoni bid adieu to international cricket 🙌
  
  📽️ Watch the legends of the game decipher what made MSD such a special player and leader.pic.twitter.com/BoXdR99412

  — ICC (@ICC) August 15, 2021

  ">

  💬 "From 1929 hrs consider me as Retired"#OnThisDay in 2020, MS Dhoni bid adieu to international cricket 🙌
  
  📽️ Watch the legends of the game decipher what made MSD such a special player and leader.pic.twitter.com/BoXdR99412

  — ICC (@ICC) August 15, 2021

ಧೋನಿ ಟಿ20 ವಿಶ್ವಕಪ್​ ನಂತರ ನಿವೃತ್ತಿ ಹೊಂದುವ ನಿರ್ಧಾರ ಹೊಂದಿದ್ದರು. ಆದರೆ, ಕೋವಿಡ್-19 ಕಾರಣ ಆಸ್ಟ್ರೇಲಿಯಾದಲ್ಲಿ ನಡೆಯಬೇಕಿದ್ದ ವಿಶ್ವಕಪ್​ 2022ಕ್ಕೆ ಮುಂದೂಡಲ್ಪಟ್ಟಿತ್ತು. ಇತ್ತ ಬಿಸಿಸಿಐ ಕೂಡ ಧೋನಿಯನ್ನು ತನ್ನ ವಾರ್ಷಿಕ ಗುತ್ತಿಗೆಯಿಂದ ಕೈಬಿಟ್ಟಿತ್ತು. ಹಾಗಾಗಿ, ಧೋನಿ ದೇಶಕ್ಕೆ ಸ್ವತಂತ್ರ ಸಿಕ್ಕ ದಿನದಂತೆ ತಮ್ಮ ಕ್ರಿಕೆಟ್​ ಬದುಕಿಗೆ ವಿದಾಯ ಘೋಷಿಸಿದರು. ಆದರೆ, ಸಮಾಧಾನಕರ ವಿಷಯವೆಂದರೆ ಧೋನಿ ಐಪಿಎಲ್​ನಲ್ಲಿ ಆಡುವುದಾಗಿ ಹೇಳಿಕೊಂಡಿದ್ದರು, ಈಗಲೂ ಆಡುತ್ತಾ ಬರುತ್ತಿದ್ದಾರೆ.

2004ರಲ್ಲಿ ಬಾಂಗ್ಲಾದೇಶದ ವಿರುದ್ಧ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ಪದಾರ್ಪಣೆ ಮಾಡಿದ್ದ ಧೋನಿ ಕೇವಲ 3 ವರ್ಷಗಳಲ್ಲಿ ಭಾರತದ ಮೂರು ಮಾದರಿಯಲ್ಲೂ ತಂಡಕ್ಕೆ ನಾಯಕನಾಗಿದ್ದರು.

2007ರ ಚೊಚ್ಚಲ ಟಿ20 ವಿಶ್ವಕಪ್, 2011ರ ಏಕದಿನ ವಿಶ್ವಕಪ್​ ಮತ್ತು 2013ರಲ್ಲಿ ಚಾಂಪಿಯನ್​ ಟ್ರೋಫಿ ಗೆಲ್ಲಿಸಿ ಕೊಡುವ ಮೂಲಕ ಐಸಿಸಿ ಆಯೋಜಿಸುವ ಎಲ್ಲಾ ಪ್ರಶಸ್ತಿಗಳನ್ನು ಗೆದ್ದ ಏಕೈಕ ನಾಯಕ ಎನಿಸಿಕೊಂಡಿದ್ದಾರೆ. ಧೋನಿ ಭಾರತದ ಪರ 90 ಟೆಸ್ಟ್​ ಪಂದ್ಯಗಳಿಂದ 4876 ರನ್​, 350 ಏಕದಿನ ಪಂದ್ಯಗಳಿಂದ 10,773 ರನ್​ ಮತ್ತು 98 ಪಂದ್ಯಗಳಿಂದ 1617 ರನ್ ​ಗಳಿಸಿದ್ದಾರೆ.

• Leader. Legend. Inspiration. 🙌#OnThisDay last year, #TeamIndia great @msdhoni announced his retirement from international cricket. 🇮🇳 pic.twitter.com/0R1LZ2IZyu

  — BCCI (@BCCI) August 15, 2021 " class="align-text-top noRightClick twitterSection" data="

  Leader. Legend. Inspiration. 🙌#OnThisDay last year, #TeamIndia great @msdhoni announced his retirement from international cricket. 🇮🇳 pic.twitter.com/0R1LZ2IZyu

  — BCCI (@BCCI) August 15, 2021

  ">

  Leader. Legend. Inspiration. 🙌#OnThisDay last year, #TeamIndia great @msdhoni announced his retirement from international cricket. 🇮🇳 pic.twitter.com/0R1LZ2IZyu

  — BCCI (@BCCI) August 15, 2021

ಧೋನಿ ನೆಚ್ಚಿನ ಗೆಳೆಯ ರೈನಾ ವಿದಾಯ : ಒಂದು ವರ್ಷದ ಅಂತರದಲ್ಲಿ ಕ್ರಿಕೆಟ್​ ಪದಾರ್ಪಣೆ ಮಾಡಿದರೂ ದಶಕಗಳ ಕಾಲ ಧೋನಿ ಜೊತೆಯಾಗಿ ಆಡಿದ್ದ ಆಲ್​ರೌಂಡರ್​ ಸುರೇಶ್​ ರೈನಾ ಕೂಡ ಗೆಳೆಯ ನಿವೃತ್ತಿ ಘೋಷಿಸಿದ ಕೇವಲ ಅರ್ಧಗಂಟೆಯ ಅಂತರದಲ್ಲಿ ತಾವೂ ಕೂಡ ಎಲ್ಲಾ ಮಾದರಿಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿದ್ದರು.

ಸುರೇಶ್​ ರೈನಾ ಭಾರತದ ಪರ 18 ಟೆಸ್ಟ್​, 226 ಏಕದಿನ ಪಂದ್ಯ ಮತ್ತು 78 ಟಿ20 ಪಂದ್ಯಗಳನ್ನಾಡಿದ್ದಾರೆ. ಕ್ರಮವಾಗಿ 768 , 5615 ಮತ್ತು 1604 ರನ್​ಗಳಿಸಿದ್ದಾರೆ.

ಇದನ್ನೂ ಓದಿ:ಚಾಣಾಕ್ಷ ಆಟಗಾರ ಧೋನಿ... ಮಹತ್ವದ ಟೂರ್ನಿಗಳಲ್ಲಿ ಇವರ ನಿರ್ಧಾರವೇ ಪ್ರಶಸ್ತಿ ಗೆಲುವಿಗೆ ಕಾರಣ!