ವಿದಾಯದ ಪಂದ್ಯಕ್ಕಾಗಿ ಮೈದಾನಕ್ಕಿಳಿದ ಬೆನ್​​ ಸ್ಟೋಕ್ಸ್​​.. ರೋಮಾಂಚಕ ಸ್ವಾಗತ ನೋಡಿ ಭಾವುಕ!

ಏಕದಿನ ಕ್ರಿಕೆಟ್​​ ಬದುಕಿಗೆ ನಿವೃತ್ತಿ ಘೋಷಣೆ ಮಾಡಿರುವ ಬೆನ್​​ ಸ್ಟೋಕ್ಸ್ ಇಂದು ಕೊನೆಯ ಪಂದ್ಯವನ್ನಾಡುತ್ತಿದ್ದು, ಮೈದಾನಕ್ಕಿಳಿಯುತ್ತಿದ್ದಂತೆ ಭಾವುಕರಾಗಿದ್ದಾರೆ.

ಚೆಸ್ಟರ್-ಲೆ-ಸ್ಟ್ರೀಟ್(ಲಂಡನ್​): ಅಂತಾರಾಷ್ಟ್ರೀಯ ಏಕದಿನ ಕ್ರಿಕೆಟ್​ಗೆ ಇಂಗ್ಲೆಂಡ್​​ನ ಆಲ್​ರೌಂಡರ್ ಬೆನ್​​ಸ್ಟೋಕ್ಸ್ ನಿನ್ನೆ ದಿಢೀರ್​ ಆಗಿ ನಿವೃತ್ತಿ ಘೋಷಣೆ ಮಾಡಿದ್ದಾರೆ. ಹೀಗಾಗಿ, ದಕ್ಷಿಣ ಆಫ್ರಿಕಾ - ಇಂಗ್ಲೆಂಡ್​​ ನಡುವೆ ಇಂದು ನಡೆಯುತ್ತಿರುವ ಪಂದ್ಯ ಅವರಿಗೆ ವಿದಾಯದ ಪಂದ್ಯವಾಗಿದೆ. 2019ರ ವಿಶ್ವಕಪ್​ ವಿಜೇತ ತಂಡದ ಆಟಗಾರ ಸ್ಟೋಕ್ಸ್​ಗೆ ಇಸಿಬಿ ಅದ್ಧೂರಿ ಸ್ವಾಗತ ಮಾಡಿದ್ದು, ಅದನ್ನ ನೋಡಿ ಭಾವುಕರಾಗಿದ್ದಾರೆ.

• ❤️
  
  🏴󠁧󠁢󠁥󠁮󠁧󠁿 #ENGvSA 🇿🇦 | @benstokes38 pic.twitter.com/teNgTVlV7T

  — England Cricket (@englandcricket) July 19, 2022 " class="align-text-top noRightClick twitterSection" data="

  ❤️
  
  🏴󠁧󠁢󠁥󠁮󠁧󠁿 #ENGvSA 🇿🇦 | @benstokes38 pic.twitter.com/teNgTVlV7T

  — England Cricket (@englandcricket) July 19, 2022

  ">

  ❤️
  
  🏴󠁧󠁢󠁥󠁮󠁧󠁿 #ENGvSA 🇿🇦 | @benstokes38 pic.twitter.com/teNgTVlV7T

  — England Cricket (@englandcricket) July 19, 2022

ತವರು ಮೈದಾನದಲ್ಲಿ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆಯುತ್ತಿರುವ ಮೊದಲ ಏಕದಿನ ಪಂದ್ಯದಲ್ಲಿ ಇಂಗ್ಲೆಂಡ್​ ಕಣಕ್ಕಿಳಿದಿದ್ದು, ಈ ವೇಳೆ ಸ್ಟೋಕ್ಸ್ ಮೈದಾನಕ್ಕಿಳಿಯುತ್ತಿದ್ದಂತೆ ಪ್ರೇಕ್ಷಕರು ಅದ್ಧೂರಿ ಸ್ವಾಗತ ನೀಡಿದರು. ಜೊತೆಗೆ ಅವರ ಹೆಸರು ಘೋಷಣೆ ಮಾಡ್ತಿದ್ದಂತೆ ಭಾವುಕರಾದರು.

ಇಂಗ್ಲೆಂಡ್ ತಂಡದ ಕ್ಯಾಪ್ಟನ್​​ ಜೋಸ್ ಬಟ್ಲರ್​​ ವಿಕೆಟ್ ಕೀಪಿಂಗ್ ಮಾಡಲು ಹೋಗುವುದಕ್ಕೂ ಮುಂಚಿತವಾಗಿ ಆಲ್​ರೌಂಡರ್ ಸ್ಟೋಕ್ಸ್​​ ಅವರನ್ನ ಅಪ್ಪಿಕೊಂಡರು. ಇಂದಿನ ಪಂದ್ಯದಲ್ಲಿ ಟಾಸ್ ಗೆದ್ದ ಬ್ಯಾಟಿಂಗ್ ನಡೆಸುತ್ತಿರುವ ದಕ್ಷಿಣ ಆಫ್ರಿಕಾ 5 ವಿಕೆಟ್​​ನಷ್ಟಕ್ಕೆ 333ರನ್​​ಗಳಿಸಿದೆ.

31 ವರ್ಷದ ಬೆನ್​​ಸ್ಟೋಕ್ಸ್​​ 2019ರ ಐಸಿಸಿ ಏಕದಿನ ವಿಶ್ವಕಪ್​​ ಫೈನಲ್​ ಪಂದ್ಯದಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದರು. ಅದರ ಫಲವಾಗಿ ತಂಡ ಏಕದಿನ ವಿಶ್ವಕಪ್​​ಗೆ ಮುತ್ತಿಕ್ಕಿತ್ತು. ಜೊತೆಗೆ ಸ್ಟೋಕ್ಸ್​​​ ಪಂದ್ಯಶ್ರೇಷ್ಠ ಪ್ರಶಸ್ತಿ ಸಹ ಪಡೆದುಕೊಂಡಿದ್ದರು. ಇಂಗ್ಲೆಂಡ್ ಪರ 104 ಏಕದಿನ ಪಂದ್ಯಗಳನ್ನಾಡಿರುವ ಇವರು, 2919 ರನ್​​ಗಳಿಸಿದ್ದು, 74 ವಿಕೆಟ್ ಪಡೆದುಕೊಂಡಿದ್ದಾರೆ. ಸದ್ಯ ಟೆಸ್ಟ್ ತಂಡದ ನಾಯಕನಾಗಿ ಸ್ಟೋಕ್ಸ್ ಮುಂದುವರೆಯಲಿದ್ದು, ಟಿ20 ಪಂದ್ಯಗಳಲ್ಲಿ ಇಂಗ್ಲೆಂಡ್ ತಂಡದ ಭಾಗವಾಗಲಿದ್ದಾರೆ.