ನ್ಯೂಜಿಲ್ಯಾಂಡ್​ ವಿರುದ್ಧ ಕನ್ನಡಿಗನ ಶತಕದಾಟ.. ಟೆಸ್ಟ್​​ನಲ್ಲಿ 4ನೇ ಸೆಂಚುರಿ ಬಾರಿಸಿದ ಮಯಾಂಕ್​​

ನ್ಯೂಜಿಲ್ಯಾಂಡ್​​ ವಿರುದ್ಧದ ಟೆಸ್ಟ್​​ ಪಂದ್ಯದಲ್ಲಿ ಟೀಂ ಇಂಡಿಯಾ ಆರಂಭಿಕ ಬ್ಯಾಟರ್​ ಮಯಾಂಕ್​ ಅಗರವಾಲ್​​ ಶತಕ ಸಿಡಿಸಿ ಮಿಂಚಿದ್ದಾರೆ. ಈ ಮೂಲಕ ಎದುರಾಳಿ ಬೌಲರ್​ಗಳ ಮೇಲೆ ಸವಾರಿ ನಡೆಸಿದರು.

ಮುಂಬೈ: ಪ್ರವಾಸಿ ನ್ಯೂಜಿಲ್ಯಾಂಡ್​ ವಿರುದ್ಧ ಮುಂಬೈನ ವಾಖೆಂಡೆ ಮೈದಾನದಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್​​ ಪಂದ್ಯದಲ್ಲಿ ಟೀಂ ಇಂಡಿಯಾದ ಆರಂಭಿಕ ಬ್ಯಾಟರ್​​, ಕನ್ನಡಿಗ ಮಯಾಂಕ್​ ಅಗರವಾಲ್​ ಜವಾಬ್ದಾರಿಯುತ ಶತಕ ಸಿಡಿಸಿ ಮಿಂಚಿದ್ದಾರೆ. ಈ ಮೂಲಕ ಟೆಸ್ಟ್​​ ಕ್ರಿಕೆಟ್​​ನಲ್ಲಿ ನಾಲ್ಕನೇ ಶತಕ ಬಾರಿಸಿದ್ದಾರೆ.

ಶತಕ ಸಿಡಿಸಿ ಸಂಭ್ರಮಿಸಿದ ಮಯಾಂಕ್​​​

ಟಾಸ್​ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಲು ಕಣಕ್ಕಿಳಿದ ಟೀಂ ಇಂಡಿಯಾ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಮೈದಾನಕ್ಕಿಳಿದ ಮಯಾಂಕ್​ ಹಾಗೂ ಶುಬ್ಮನ್​ ತಂಡಕ್ಕೆ 80ರನ್​​ಗಳ ಉತ್ತಮ ಅಡಿಪಾಯ ಹಾಕಿದರು.

ಆದರೆ, 44 ರನ್​ಗಳಿಕೆ ಮಾಡಿದ್ದ ವೇಳೆ ಗಿಲ್​​ ಎಡಗೈ ಸ್ಪಿನ್ನರ್​​ ಅಜಾಜ್ ಪಟೇಲ್​​ಗೆ ವಿಕೆಟ್​​ ಒಪ್ಪಿಸಿದರು. ಇದರ ಬೆನ್ನಲ್ಲೇ ಪೂಜಾರಾ ಹಾಗೂ ವಿರಾಟ್​​ ಕೊಹ್ಲಿ ಶೂನ್ಯಕ್ಕೆ ಔಟಾಗುವ ಮೂಲಕ ತಂಡವನ್ನ ಸಂಕಷ್ಟಕ್ಕೆ ದೂಡಿದರು. ಈ ವೇಳೆ ಶ್ರೇಯಸ್​ ಅಯ್ಯರ್​ ಹಾಗೂ ವೃದ್ಧಿಮಾನ್​ ಸಾಹಾ ಜೊತೆ ಜವಾಬ್ದಾರಿಯುತ ಬ್ಯಾಟಿಂಗ್​ ಪ್ರದರ್ಶನ ನೀಡಿದ ಮಯಾಂಕ್​​​ ಶತಕ ಸಿಡಿಸಿ ಮಿಂಚಿದರು.

ಮಯಾಂಕ್ ಎದುರಿಸಿದ 196 ಎಸೆತಗಳಲ್ಲಿ 3 ಸಿಕ್ಸರ್​​, 13 ಬೌಂಡರಿ ಸೇರಿದಂತೆ 100 ರನ್​ಗಳಿಕೆ ಮಾಡಿ ತಂಡಕ್ಕೆ ಜವಾಬ್ದಾರಿಯುತ ರನ್​​ ಕಾಣಿಕೆ ನೀಡಿದರು. ಕಳೆದ ಅನೇಕ ಟೆಸ್ಟ್​​​ ಪಂದ್ಯಗಳಲ್ಲಿ ವೈಫಲ್ಯ ಅನುಭವಿಸಿದ್ದ ಕನ್ನಡಿಗ ಇದೀಗ ಭರ್ಜರಿ ಶತಕ ಸಿಡಿಸಿ, ತಮ್ಮ ಬ್ಯಾಟಿಂಗ್​ ಕೌಶಲ್ಯ ಹೊರಹಾಕಿದ್ದಾರೆ.

• That moment when @mayankcricket got to his 4th Test Century 👏👏
  
  Live - https://t.co/KYV5Z1jAEM #INDvNZ @Paytm pic.twitter.com/GFXapG6GQo

  — BCCI (@BCCI) December 3, 2021 " class="align-text-top noRightClick twitterSection" data="

  That moment when @mayankcricket got to his 4th Test Century 👏👏
  
  Live - https://t.co/KYV5Z1jAEM #INDvNZ @Paytm pic.twitter.com/GFXapG6GQo

  — BCCI (@BCCI) December 3, 2021

  ">

  That moment when @mayankcricket got to his 4th Test Century 👏👏
  
  Live - https://t.co/KYV5Z1jAEM #INDvNZ @Paytm pic.twitter.com/GFXapG6GQo

  — BCCI (@BCCI) December 3, 2021

ಎರಡು ವರ್ಷಗಳ ನಂತರ ಶತಕ ಸಿಡಿಸಿದ ಕನ್ನಡಿಗ

ಈ ಹಿಂದೆ 2019ರಲ್ಲಿ ಬಾಂಗ್ಲಾದೇಶದ ವಿರುದ್ಧ ನಡೆದ ಟೆಸ್ಟ್​​ ಪಂದ್ಯದಲ್ಲಿ ಶತಕ ಸಿಡಿಸಿದ್ದ ಮಯಾಂಕ್​​ ಅಗರವಾಲ್​ ತದನಂತರ ಶತಕ ವಂಚಿತರಾಗಿದ್ದರು. ಆದರೆ, ಇದೀಗ ಮುಂಬೈ ಮೈದಾನದಲ್ಲಿ ತಮ್ಮ ಶತಕದ ಬರ ತೀರಿಸಿಕೊಂಡಿದ್ದಾರೆ. ಇದೇ ವರ್ಷ ದಕ್ಷಿಣ ಆಫ್ರಿಕಾ ವಿರುದ್ಧ ನಡೆದ ಟೆಸ್ಟ್​​ ಪಂದ್ಯದಲ್ಲಿ ಚೊಚ್ಚಲ ಶತಕ ಸಿಡಿಸಿ ಮಯಾಂಕ್​ ಮಿಂಚಿದ್ದರು.