ಟಿ-20 ವಿಶ್ವಕಪ್​ ವೇಳೆ ಮಾತಿನ ಚಕಮಕಿ: ಲಾಹಿರು-ಲಿಟನ್​ ದಾಸ್​​ಗೆ ದಂಡ ವಿಧಿಸಿದ ಐಸಿಸಿ

ಬಾಂಗ್ಲಾ-ಶ್ರೀಲಂಕಾ ಮುಖಾಮುಖಿಯಾಗಿದ್ದ ಸಂದರ್ಭದಲ್ಲಿ ಉಭಯ ತಂಡದ ಇಬ್ಬರು ಆಟಗಾರರ ಮಧ್ಯೆ ಮಾತಿನ ಚಕಮಕಿ ನಡೆದಿತ್ತು. ಐಸಿಸಿ ನೀತಿ ಸಂಹಿತೆ ಉಲ್ಲಂಘನೆ ಮಾಡಿದ್ದಕ್ಕಾಗಿ ಇದೀಗ ಇಬ್ಬರು ಪ್ಲೇಯರ್ಸ್​ಗೆ ದಂಡ ವಿಧಿಸಲಾಗಿದೆ.

ಶಾರ್ಜಾ: ಐಸಿಸಿ ಟಿ-20 ವಿಶ್ವಕಪ್​​ನಲ್ಲಿ ಶ್ರೀಲಂಕಾ-ಬಾಂಗ್ಲಾ ಮುಖಾಮುಖಿಯಾಗಿದ್ದ ಸಂದರ್ಭದಲ್ಲಿ ಉಭಯ ತಂಡದ ಆಟಗಾರರು ಮಾತಿನ ಚಕಮಕಿಯಲ್ಲಿ ಭಾಗಿಯಾಗಿದ್ದರು.

ಶಾರ್ಜಾ ಮೈದಾನದಲ್ಲಿ ನಡೆದಿದ್ದ ಸೂಪರ್​-12 ಹಂತದ ಗ್ರೂಪ್​ 1ರ ಪಂದ್ಯದ ವೇಳೆ ಲಂಕಾ ತಂಡದ ವೇಗಿ ಲಾಹಿರು ಹಾಗೂ ಬಾಂಗ್ಲಾದೇಶದ ಬ್ಯಾಟರ್​​ ಲಿಟನ್ ದಾಸ್​ ಮಾತಿಕ ಚಕಮಕಿ ನಡೆಸಿದ್ದರು. ಇದರ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗಿತ್ತು. ಇಬ್ಬರು ಆಟಗಾರರು ಐಸಿಸಿ ನಿಯಮ ಉಲ್ಲಂಘನೆ ಮಾಡಿದ್ದಕ್ಕಾಗಿ ದಂಡ ವಿಧಿಸಲಾಗಿದೆ.

• Exchange of words between Lahiru kumara & Litton das#SlvsBan pic.twitter.com/Wfy85BlveF

  — CRICKET TWEETS (@RISHIKARTHEEK) October 24, 2021 " class="align-text-top noRightClick twitterSection" data="

  Exchange of words between Lahiru kumara & Litton das#SlvsBan pic.twitter.com/Wfy85BlveF

  — CRICKET TWEETS (@RISHIKARTHEEK) October 24, 2021

  ">

  Exchange of words between Lahiru kumara & Litton das#SlvsBan pic.twitter.com/Wfy85BlveF

  — CRICKET TWEETS (@RISHIKARTHEEK) October 24, 2021

ಶ್ರೀಲಂಕಾದ ಬೌಲರ್​​​ ಲಾಹಿರುಗೆ ಪಂದ್ಯದ ಶೇ. 25ರಷ್ಟು ಹಾಗೂ ಲಿಟನ್​ ದಾಸ್​ಗೆ ಪಂದ್ಯದ ಶೇ. 15ರಷ್ಟು ದಂಡ ವಿಧಿಸಲಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಮಾಹಿತಿ ಹಂಚಿಕೊಂಡಿರುವ ಐಸಿಸಿ, ಘಟನೆ ವೇಳೆ ಲಾಹಿರು ತಪ್ಪಿತಸ್ಥನೆಂದು ಕಂಡು ಬಂದಿದೆ. ಆಟಗಾರರು ಐಸಿಸಿ ನೀತಿ ಸಂಹಿತೆ ಆರ್ಟಿಕಲ್​​ 2.5 ಉಲ್ಲಂಘನೆ ಮಾಡಿದ್ದಕ್ಕಾಗಿ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎಂದಿದೆ.

ಪಂದ್ಯದ ಐದನೇ ಓವರ್​ನಲ್ಲಿ ಈ ಘಟನೆ ನಡೆದಿದ್ದು, ಲಾಹಿರು ಬೌಲಿಂಗ್ ಮಾಡ್ತಿದ್ದ ವೇಳೆ ಲಿಟನ್​ ದೊಡ್ಡ ಹೊಡೆತಕ್ಕೆ ಕೈ ಹಾಕಿದ್ದರು. ಈ ವೇಳೆ ಚೆಂಡು ನೇರವಾಗಿ ದಸುನ್​ ಕೈಗೆ ಸೇರಿತ್ತು. ಈ ವೇಳೆ ವಿಕೆಟ್​ ಪಡೆದುಕೊಂಡ ಖುಷಿಯಲ್ಲಿ ಲಂಕಾ ಬೌಲರ್​ ಲಿಟನ್​​ ಬಳಿ ತೆರಳಿ ಅವಾಚ್ಯ ಪದ ಬಳಕೆ ಮಾಡಿದ್ದರಿಂದ ಇಬ್ಬರ ನಡುವೆ ಮಾತಿನ ಚಕಮಕಿ ನಡೆದಿತ್ತು. ಈ ವೇಳೆ ಮಧ್ಯೆ ಪ್ರವೇಶ ಮಾಡಿದ್ದ ಅಂಪೈರ್ ಹಾಗೂ ಸಹ ಆಟಗಾರರು ವಾತಾವರಣ ತಿಳಿಗೊಳಿಸಿದ್ದರು.