ಲಂಡನ್: ಲೀಡ್ಸ್ ಮೈದಾನದಲ್ಲಿ ಇಂದು ಲಂಕಾ ಮತ್ತು ಟೀಂ ಇಂಡಿಯಾ ಮುಖಾಮುಖಿಯಾಗುತ್ತಿದ್ದು, ಕೊಹ್ಲಿ ಪಡೆಯನ್ನ ಸೋಲಿಸುತ್ತೇವೆ ಎಂದು ಶ್ರೀಲಂಕಾ ತಂಡದ ನಾಯಕ ದಿಮುತ್ ಕರುಣರತ್ನೆ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
ಪಂದ್ಯಕ್ಕೂ ಮೊದಲು ನಿನ್ನೆ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ದಿಮುತ್ ಕರುಣರತ್ನೆ, 'ರೋಹಿತ್ ಮಾತ್ರವಲ್ಲ ಎಲ್ಲಾ 6 ಆಟಗಾರರ ವಿಡಿಯೋವನ್ನ ನೋಡಿದ್ದೇವೆ. ಪ್ರತಿಯೊಬ್ಬರನ್ನೂ ಕಟ್ಟಿ ಹಾಕಲು ಪ್ಲಾನ್ ಮಾಡಿದ್ದೇವೆ' ಎಂದು ಹೇಳಿದ್ದಾರೆ.
'ಭಾರತ ತಂಡದ ಪ್ರತಿಯೊಬ್ಬ ಅಟಗಾರರು ಅಪಾಯಕಾರಿ, ಒಂದು ಸಾರಿ ಕ್ರೀಸ್ ಕಚ್ಚಿ ನಿಂತರೆ ಅವರನ್ನ ತಡೆಯೋದು ತುಂಬಾ ಕಷ್ಟ. ಹೀಗಾಗಿ ನಾವು ಮಾಡಿರುವ ಪ್ಲಾನ್ ಸರಿಯಾಗಿ ಬಳಿಸಿಕೊಂಡರೆ ಖಂಡಿತವಾಗಿಯೂ ಬೇಗನೆ ಕಟ್ಟಿಹಾಕಬಹುದು' ಎಂದಿದ್ದಾರೆ.
ಕಳೆದ 2 ಪಂದ್ಯಗಳಲ್ಲಿ ಆಡಿದ ತಂಡವನ್ನೇ ಟೀಂ ಇಂಡಿಯಾ ವಿರುದ್ಧ ಕಣಕ್ಕಿಳಿಸುತ್ತೇವೆ. ತಂಡದಲ್ಲಿ ಯಾವುದೇ ಬದಲಾವಣೆ ಮಾಡುವುದಿಲ್ಲ. ಇತ್ತೀಚಿನ ಪಂದ್ಯಗಳಲ್ಲಿ ನಮ್ಮ ತಂಡದ ಬ್ಯಾಟ್ಸ್ಮನ್ಗಳು ಉತ್ತಮ ಪ್ರದರ್ಶನ ತೋರುತ್ತಿದ್ದು, ಟೀಂ ಇಂಡಿಯಾಕ್ಕೆ ಪೈಪೋಟಿ ನೀಡುತ್ತೇವೆ ಎಂದಿದ್ದಾರೆ.
