ಟ್ರಿನಿಡಾಡ್: ಆಸ್ಟ್ರೇಲಿಯಾದ ಸ್ಫೋಟಕ ಬ್ಯಾಟ್ಸ್ಮನ್ ಕ್ರಿಸ್ ಲಿನ್ ಪ್ರಸ್ತುತ ನಡೆಯುತ್ತಿರುವ ಕೆರಿಬಿಯನ್ ಪ್ರೀಮಿಯರ್ ಲೀಗ್ನಲ್ಲಿ ತಮ್ಮ ಫ್ಲಾಫ್ ಶೋ ಮುಂದುವರಿಸಿದ್ದಾರೆ.
ಟ್ರಿಂಬಾಗೋ ನೈಟ್ರೈಡರ್ಸ್ ನೀಡಿದ 175 ರನ್ಗಳ ಗುರಿ ಪಡೆದ ಸೇಂಟ್ ಕಿಟ್ಸ್ ಮತ್ತು ನೇವಿಸ್ ಪೇಟ್ರಿಯೋಟ್ಸ್ ತಂಡ ದಯನೀಯ ವೈಫಲ್ಯ ಅನುಭವಿಸಿದೆ. ಅದರಲ್ಲೂ ಕ್ರಿಸ್ ಲಿನ್ ತಮ್ಮ ಬ್ಯಾಟಿಂಗ್ ವೈಫಲ್ಯವನ್ನು ಮುಂದುವಿರಿಸದ್ದಾರೆ.
ಟೂರ್ನಿಯಲ್ಲಿ ಎರಡನೇ ಪಂದ್ಯವನ್ನಾಡಿದ ಪ್ರವೀಣ್ ತಾಂಬೆ ಎದುರು ಕ್ರಿಸ್ಲಿನ್ ತಡಬಡಾಯಿಸಿದರಲ್ಲದೆ, ತಾಂಬೆ ಎಸೆದ 11ನೇ ಓವರ್ನಲ್ಲಿ ಎಲ್ಲಾ ಆರು ಎಸೆತಗಳನ್ನು ಡಾಟ್ ಮಾಡುವ ಮೂಲಕ ಮೇಡನ್ ನೀಡಿದರು. ಕೊನೆಗೆ 46ಎಸೆತಗಳಲ್ಲಿ 2 ಸಿಕ್ಸರ್ ಹಾಗೂ 1 ಬೌಂಡರಿ ಸಹಿತ 34 ರನ್ ಗಳಿಸಿ ಬ್ರಾವೋಗೆ ವಿಕೆಟ್ ಒಪ್ಪಿಸಿದರು.
ಪ್ರವೀಣ್ ತಾಂಬೆ 4 ಓವರ್ಗಳಲ್ಲಿ ಒಂದು ಮೇಡನ್ ಸಹಿತ ಕೇವಲ 12 ರನ್ ನೀಡಿ 1 ವಿಕೆಟ್ ಪಡೆದರು.
ಟೂರ್ನಿಯುದ್ದಕ್ಕೂ ಕಳಪೆ ಬ್ಯಾಟಿಂಗ್ ಪ್ರದರ್ಶನ ತೋರಿರುವ ಕ್ರಿಸ್ ಲಿನ್ ಒಂದು ಅರ್ಧಶಕವನ್ನು ದಾಖಲಿಸದಿರುವುದು ವಿಪರ್ಯಾಸವಾಗಿದೆ. ಅವರು ಬಾರ್ಬಡೋಸ್ ವಿರುದ್ಧದ ಎರಡು ಪಂದ್ಯಗಳಲ್ಲಿ 19 ಹಾಗೂ 16, ಸೇಂಟ್ ಲೂಸಿಯಾ ಜೌಕ್ಸ್ ವಿರುದ್ಧ 2 ಪಂದ್ಯದಲ್ಲಿ 14 ಮತ್ತು ಸೊನ್ನೆ, ಜಮೈಕಾ ವಿರುದ್ಧ 8, ಟಿಕೆಆರ್ ವಿರುದ್ಧ 34 ಹಾಗೂ ಗಯಾನ ವಿರುದ್ಧ 16 ರನ್ಗಳಿಸಿ ಔಟಾಗಿದ್ದಾರೆ.
ಸೆಪ್ಟೆಂಬರ್ 19 ರಿಂದ ಐಪಿಎಲ್ ಶುರುವಾಗಲಿದ್ದು, ಕ್ರಿಸ್ ಲಿನ್ ಬ್ಯಾಟಿಂಗ್ ವೈಫಲ್ಯ ಚಾಂಪಿಯನ್ ಮುಂಬೈ ತಂಡದ ಆತಂಕಕ್ಕೆ ಕಾರಣವಾಗಿದೆ.
