ದುಬೈ: ಲಸಿತ್ ಮಾಲಿಂಗ 13ನೇ ಆವೃತ್ತಿಯಲ್ಲಿ 27 ವಿಕೆಟ್ ಪಡೆದು ಗರಿಷ್ಠ ವಿಕೆಟ್ ಪಡೆದವರ ಪಟ್ಟಿಯಲ್ಲಿ 2ನೇ ಸ್ಥಾನ ಪಡೆದರು. ಆದರೆ ಮುಂಬೈ ತಂಡದ ಲಸಿತ್ ಮಾಲಿಂಗ ಈ ಆವೃತ್ತಿಯಲ್ಲಿ ಬುಮ್ರಾ ಪರ್ಪಲ್ ಕ್ಯಾಪ್ ಗೆಲ್ಲುತ್ತಾರೆಂದು ಬಯಸಿದ್ದರೆಂದು ಕೋಚ್ ಜಯನೆವರ್ದ ಹೇಳಿದ್ದಾರೆ.
ಮಂಗಳವಾರ ನಡೆದ ಫೈನಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್, ಡೆಲ್ಲಿ ತಂಡವನ್ನು 5 ವಿಕೆಟ್ಗಳಿಂದ ಮಣಿಸಿ 5ನೇ ಬಾರಿ ಟ್ರೋಫಿ ಎತ್ತಿ ಹಿಡಿದಿತ್ತು. ಕೌಟುಂಬಿಕ ಕಾರಣದಿಂದ ಟೂರ್ನಿಯಿಂದ ಹಿಂದಿ ಸರಿದಿರುವ ಮಾಲಿಂಗ, ಈ ವರ್ಷದ ಐಪಿಎಲ್ನಲ್ಲಿ ಬುಮ್ರಾರಿಂದ ಶ್ರೇಷ್ಠ ಪ್ರದರ್ಶನ ಹೊರಬರುತ್ತದೆ, ಅವರೇ ಪರ್ಪಲ್ ಕ್ಯಾಪ್ ಪಡೆಯುತ್ತಾರೆಂಬ ನಿರೀಕ್ಷೆಯಲ್ಲಿದ್ದರು. ಆದರೆ ಒಂದು ಪಂದ್ಯ ಮಿಸ್ ಮಾಡಿಕೊಂಡ ಹಾಗೂ ಕೊನೆಯ ಪಂದ್ಯದಲ್ಲಿ ವಿಕೆಟ್ ಪಡೆಯದ ಕಾರಣ ಪರ್ಪಲ್ ಕ್ಯಾಪ್ ಕೈತಪ್ಪಿತು.
ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ಕಗಿಸೋ ರಬಾಡ 17 ಪಂದ್ಯಗಳಲ್ಲಿ 30 ವಿಕೆಟ್ ಪಡೆದು ಪರ್ಪಲ್ ಕ್ಯಾಪ್ ತಮ್ಮದಾಗಿಸಿಕೊಂಡರು. ಬುಮ್ರಾ 27 ಮತ್ತು ಮುಂಬೈನ ಮತ್ತೊಬ್ಬ ಬೌಲರ್ ಟ್ರೆಂಟ್ ಬೌಲ್ಟ್ 25 ವಿಕೆಟ್ ಪಡೆದರು ಮೂರನೇ ಸ್ಥಾನ ಪಡೆದರು.
ಮುಂಬೈ ಟ್ರೋಫಿ ಗೆದ್ದ ಬಳಿಕ ಮಾತನಾಡಿದ ಕೋಚ್ ಜಯವರ್ದನೆ , ಕಳೆದ ವರ್ಷದಂತೆ ಕೊನೆಯ ಎಸೆತದಲ್ಲಿ ಪಂದ್ಯ ಮುಗಿಯದಿದ್ದಕ್ಕೆ ಸಂತೋಷವಿದೆ. ಈ ವರ್ಷ ಅದ್ಭುತ ಬೌಲಿಂಗ್ ಪ್ರದರ್ಶನ ತೋರುತ್ತಿದ್ದರಿಂದ ಬುಮ್ರಾ ಪರ್ಪಲ್ ಕ್ಯಾಪ್ ಗೆಲ್ಲಬೇಕೆಂದು ಮಲಿ(ಮಾಲಿಂಗ) ಬಯಸಿದ್ದರು. ಆದರೆ ತುಂಬಾ ಹತ್ತಿರ ಬಂದು ಮಿಸ್ ಮಾಡಿಕೊಂಡರು" ಎಂದು ತಿಳಿಸಿದ್ದಾರೆ.
