ಶಾರ್ಜಾ: ಮುಂಬೈ ಇಂಡಿಯನ್ಸ್ ಸಂಘಟಿತ ಬೌಲಿಂಗ್ ದಾಳಿಗೆ ಸಂಪೂರ್ಣವಾಗಿ ತತ್ತರಿಸಿ ಹೋಗಿರುವ ಚೆನ್ನೈ ಸೂಪರ್ ಕಿಂಗ್ಸ್ 20 ಓವರ್ಗಳಲ್ಲಿ 9ವಿಕೆಟ್ನಷ್ಟಕ್ಕೆ ಕೇವಲ 114ರನ್ಗಳಿಕೆ ಮಾಡಿದೆ.
ಟಾಸ್ ಸೋತು ಮೊದಲು ಬ್ಯಾಟಿಂಗ್ ಆರಂಭಿಸಿದ ಚೆನ್ನೈ ತಂಡಕ್ಕೆ ಆರಂಭದಲ್ಲೇ ಆಘಾತ ಎದುರಾಯ್ತು. ಮೆಲುಗೈ ಸಾಧಿಸಿದ ವೇಗಿ ಬೌಲ್ಟ್ ಗಾಯ್ಕವಾಡ್ಗೆ ಖಾತೆ ತೆರೆಯುವ ಮೊದಲೇ ಪೆವಿಲಿಯನ್ ಹಾದಿ ತೊರಿಸಿದರು.ಇದರ ಬೆನ್ನಲ್ಲೇ ಡುಪ್ಲೆಸಿ(1) ವಿಕೆಟ್ ಕೂಡ ಪಡೆದುಕೊಂಡರು. ನಂತರ ಬಂದ ರಾಯುಡು(2), ಜಗದೀಶನ್(0), ಧೋನಿ(17), ಜಡೇಜಾ(7) ವಿಕೆಟ್ ಒಪ್ಪಿಸಿದರು.
ತಂಡಕ್ಕೆ ಆಸರೆಯಾದ ಕರನ್
ಮಧ್ಯಮ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡಲು ಇಳಿದ ಸ್ಯಾಮ್ ಕರನ್ ತಂಡಕ್ಕೆ ಆಸರೆಯಾದರು. ಶಾರ್ದೂಲ್ ಠಾಕೂರ್ ಹಾಗೂ ಇಮ್ರಾನ್ ತಾಹೀರ್ ಜತೆ ಸೇರಿ ತಂಡದ ಮೊತ್ತ 100ರ ಗಡಿ ದಾಟುವಂತೆ ಮಾಡಿದರು. 47 ಎಸೆತಗಳಲ್ಲಿ 4 ಬೌಂಡರಿ, ಎರಡು ಸಿಕ್ಸರ್ ಸೇರಿ 52ರನ್ಗಳಿಕೆ ಮಾಡಿ ಕೊನೆ ಓವರ್ನಲ್ಲಿ ವಿಕೆಟ್ ಒಪ್ಪಿಸಿದರು. ಇದರ ಜತೆಗೆ ಠಾಕೂರ್(11)ರನ್, ತಾಹೀರ್ 13ರನ್ಗಳಿಕೆ ಮಾಡಿದರು. ಸಿಎಸ್ಕೆ 43ರನ್ಗಳಿಕೆ ಮಾಡುವಷ್ಟರಲ್ಲಿ ಪ್ರಮುಖ 7ವಿಕೆಟ್ ಕಳೆದುಕೊಂಡು ಸಂಕಷ್ಟದಲ್ಲಿದ್ದಾಗ ಕರನ್ ಆಸರೆಯಾಗಿ ಟೀಂ ಸ್ಕೋರ್ 100ರ ಗಡಿ ದಾಟುವಂತೆ ಮಾಡಿದರು.
ಕೇದಾರ್ ಜಾಧವ್, ವ್ಯಾಟ್ಸನ್ ಜಾಗದಲ್ಲಿ ಅವಕಾಶ ಪಡೆದುಕೊಂಡಿದ್ದ ಜಗದೀಶನ್ ಹಾಗೂ ಗಾಯ್ಕವಾಡ್ ನಿರಾಸೆ ಮೂಡಿಸಿದರು. ಮುಂಬೈ ಪರ ಮಾರಕ ಬೌಲಿಂಗ್ ಪ್ರದರ್ಶನ ನೀಡಿದ ಬೌಲ್ಟ್ 14ವಿಕೆಟ್, ಬುಮ್ರಾ, ಚಹರ್ ತಲಾ 2ವಿಕೆಟ್ ಪಡೆದುಕೊಂಡರೆ, ನಾಥನ್ 1ವಿಕೆಟ್ ಕಿತ್ತರು.
