ಕಾರಿನಲ್ಲಿ ಭರಾಟೆ ಟೈಟಲ್ ಟ್ರಾಕ್​ಗೆ ನಾಯಕಿ ಜೊತೆ ರೋರಿಂಗ್ ಸ್ಟಾರ್ ಭರ್ಜರಿ ಸ್ಟೆಪ್! ವಿಡಿಯೋ...

ಸ್ವಿಜರ್ಲ್ಯಾಂಡ್​ನಲ್ಲಿ ಭರಾಟೆ ಚಿತ್ರದ ಶೂಟಿಂಗ್​ನಲ್ಲಿರುವ ರೋರಿಂಗ್​ ಸ್ಟಾರ್​ ಶ್ರೀಮುರುಳಿ ಚಿತ್ರದ ಹಿರೋಯಿನ್​ ಶ್ರೀಲೀಲಾ ಜೊತೆ ಚಿತ್ರದ ಟೈಟಲ್​ ಟ್ರಾಕ್​ಗೆ ಕಾರ್​ನಲ್ಲೇ ಭರ್ಜರಿ ಸ್ಟೆಪ್ಸ್ ಹಾಕಿ ಎಂಜಾಯ್​ ಮಾಡಿದ್ದಾರೆ.

ಚೇತನ್​ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ರೋರಿಂಗ್​ ಸ್ಟಾರ್​ ಶ್ರೀಮುರಳಿ ಅಭಿನಯದ ಭರಾಟೆ ಚಿತ್ರದ ಟ್ರೈಲರ್​ ಹಾಗೂ ಟೀಸರ್​ ಸಖತ್​ ಹವಾ ಕ್ರಿಯೇಟ್ ಮಾಡಿದೆ. ಚಿತ್ರ ತಂಡ ಕಳೆದ ವಾರವಷ್ಟೇ ಚಿತ್ರದ ಟೈಟಲ್​ ಸಾಂಗ್​ನ ಲಿರಿಕಲ್​ ವಿಡಿಯೋವನ್ನು ಸ್ವಿಜರ್ಲ್ಯಾಂಡ್​ನಲ್ಲಿ ಲಾಂಚ್​ ಮಾಡಿತ್ತು.

ಹಾಡಿಗೆ ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿ ರೆಸ್ಪಾನ್ಸ್ ಸಿಕ್ಕಿದ್ದು, ಯೂಟ್ಯೂಬ್​ನಲ್ಲಿ ಸಖತ್ ಸೌಂಡ್ ಮಾಡುತ್ತಿದೆ. ಇನ್ನೂ ಈ ಸಾಂಗ್​ಗೆ ಫಿದಾ ಆಗಿರುವ ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಹಾಗೂ ನಾಯಕಿ ಶ್ರೀಲೀಲಾ ಸ್ವಿಜರ್ಲ್ಯಾಂಡ್​ನಲ್ಲಿ ಭರ್ಜರಿ ಸಾಂಗ್ ಶೂಟಿಂಗ್ ವೇಳೆ ಭರಾಟೆ ಸಾಂಗ್ ಅನ್ನ ಕಾರಿನಲ್ಲಿ ಪ್ಲೇ ಮಾಡಿಕೊಂಡು ಜಬರ್ದಸ್ತ್ ಆಗಿ ಸ್ಟೆಪ್ಸ್ ಹಾಕಿದ್ದಾರೆ.

ಇನ್ನೂ ಮ್ಯಾಜಿಕಲ್ ಕಂಪೋಸರ್ ಅರ್ಜುನ್ ಜನ್ಯ ಟ್ಯೂನಿಗೆ ನಿರ್ದೇಶಕ ಚೇತನ್ ಬರೆದಿರುವ ಸಾಹಿತ್ಯ ಸಖತ್ ವರ್ಕೌಟ್ ಆಗಿದೆ. ಟಿಕ್​ಟಾಕ್​ನಲ್ಲೂ ಈಗ ಭರಾಟೆ ಸಾಂಗ್​ದೇ ಹವಾ ಶುರುವಾಗಿದೆ. ರೋರಿಂಗ್ ಸ್ಟಾರ್ ಶ್ರೀ ಮುರಳಿ ಹಾಗೂ ಭರ್ಜರಿ ಚೇತನ್ ಕಾಂಬಿನೇಷನ್​ನಲ್ಲಿ ಸುಪ್ರಿತ್ ಭರಾಟೆ ಚಿತ್ರವನ್ನು ನಿರ್ಮಾಣ ಮಾಡಿದ್ದು, ಸದ್ಯ ಚಿತ್ರ ತಂಡ ಪೋಸ್ಟ್ ಪ್ರೊಡಕ್ಷನ್​ನಲ್ಲಿ ಬ್ಯುಸಿಯಾಗಿದ್ದು ಸೆಪ್ಟೆಂಬರ್ 27 ಕ್ಕೆ ರಾಜ್ಯಾದ್ಯಂತ ಭರಾಟೆ ಚಿತ್ರ ರಿಲೀಸ್ ಆಗಲಿದೆ.