ರಿಶಭ್ ಶೆಟ್ಟಿ ಮತ್ತು ಹರಿಪ್ರಿಯಾ ಅಭಿನಯದ ಬೆಲ್ ಬಾಟಮ್ ಚಿತ್ರ ರಿಲೀಸ್ ಆಗಿ ಪ್ರೇಕ್ಷಕ ಮಹಾಶಯನಿಂದ ಮೆಚ್ಚುಗೆ ಗಿಟ್ಟಿಸಿಕೊಂಡಿದೆ. ಆದ್ರೆ ಇದೀಗ ಈ ಸಿನಿಮಾದ ಸ್ಟೋರಿಯನ್ನು ಬಾಲಿವುಡ್ನವರು ಕದ್ದಿದ್ದಾರೆ ಎಂಬ ಮಾತುಗಳು ಕೇಳಿ ಬರುತ್ತಿವೆ. ಇದಕ್ಕೆ ಕಾರಣ ಹಿಂದಿಯಲ್ಲಿ ಅಕ್ಷಯ್ ಕುಮಾರ್ ಅಭಿನಯಿಸುತ್ತಿರುವ ಬೆಲ್ ಬಾಟಮ್ ಸಿನಿಮಾ. ಈ ಬಗ್ಗೆ ಬೆಲ್ ಬಾಟಮ್ ನಾಯಕ ರಿಶಭ್ ಶೆಟ್ಟಿ ಪ್ರತಿಕ್ರಿಯೆ ನೀಡಿದ್ದಾರೆ.
ಸಿನಿಮಾ ರೈಟ್ಸ್ ಬಗ್ಗೆ ಮಾತನಾಡಿದ ರಿಷಭ್ ಶೆಟ್ಟಿ, ಬೆಲ್ ಬಾಟಮ್ ಸಿನಿಮಾ ಬಾಲಿವುಡ್ನಲ್ಲಿ ಬರುತ್ತಿರುವುದನ್ನು ಮಾಧ್ಯಮಗಳಲ್ಲಿ ನೋಡಿದೆ. ಬಾಲಿವುಡ್ನವರು ಕನ್ನಡದ ಸಿನಿಮಾವನ್ನು ಕೊಲಾಬ್ರೇಷನ್ ಮಾಡಿಕೊಂಡು ಸಿನಿಮಾ ಮಾಡುವುದಾಗಿ ಹೇಳಿದ್ರು. ಅದಕ್ಕಾಗಿ ಅಕ್ಷಯ್ ಕುಮಾರ್ ಟೀಂಗೆ ರವಿ ವರ್ಮಾ ಸಿನಿಮಾವನ್ನು ತೋರಿಸಿದ್ದಾರೆ. ಹೀಗೆ ಸಿನಿಮಾ ತೋರಿಸಿದ ಒಂದು ವಾರಕ್ಕೆ ಹಿಂದಿ ಬೆಲ್ ಬಾಟಮ್ ಸಿನಿಮಾದ ಪೋಸ್ಟರ್ ಬಿಡುಗಡೆಯಾಗಿದೆ.
ಇದಾದ ನಂತ್ರ ಬಾಲಿವುಡ್ ಅಸೋಸಿಯೇಷನ್ಗೆ ರವಿ ವರ್ಮಾ ದೂರು ನೀಡಿದ್ದು, ಆ ತೀರ್ಪು ಬರುವುದು 15 ದಿನ ಆಗಬಹುದು. ಅಕಸ್ಮಾತ್ ಕನ್ನಡದ ಬೆಲ್ ಬಾಟಮ್ ಕಥೆಗೂ ಹಿಂದಿಯ ಆ ಕಥೆಗೂ ಹೊಂದಾಣಿಕೆ ಇದ್ರೆ ರವಿ ವರ್ಮಾ ಕೇಸ್ ದಾಖಲು ಮಾಡಬಹುದು ಎಂದು ರಿಶಭ್ ಹೇಳಿದ್ರು.
