ಗಾಯಕ ವಿಶ್ವನಾಥ್ ಹಾವೇರಿ ಅವರು ಬಿಗ್ ಬಾಸ್ ಕನ್ನಡ ಸೀಸನ್ 8ರ ಅತ್ಯಂತ ಕಿರಿಯ ಸ್ಪರ್ಧಿಯಾಗಿದ್ದರು. ರಿಯಾಲಿಟಿ ಶೋ ‘ಹಾಡು ಕರ್ನಾಟಕ’ ಮೂಲಕ ಜನಪ್ರಿಯತೆ ಗಳಿಸಿರುವ ಅವರ ವಿಶೇಷ ಧ್ವನಿಗೆ ಕರ್ನಾಟಕಾದ್ಯಂತ ಅಭಿಮಾನಿಗಳಿದ್ದಾರೆ.
ವಿಶ್ವನಾಥ್ ಹಾವೇರಿ ಬಿಗ್ಬಾಸ್ ಮನೆಯಿಂದ ಔಟ್ ಆದಾಗ ಸ್ಪರ್ಧಿಗಳು ಮಾತ್ರವಲ್ಲದೇ, ವೀಕ್ಷಕರು ಬೇಸರ ವ್ಯಕ್ತಪಡಿಸಿದ್ದರು. ಅವರೂ ಕೂಡ ಹೊರಬರುವಾಗ ಭಾವುಕರಾಗಿ, ನಾನು ಮತ್ತಷ್ಟು ಹಾಡುಗಳನ್ನು ಹಾಡುತ್ತೇನೆ ಎಂದು ಆತ್ಮವಿಶ್ವಾಸದಿಂದ ಹೇಳಿದ್ದರು.
ಸದ್ಯ ಅವರು ಈ ಲಾಕ್ಡೌನ್ ಸಮಯದಲ್ಲಿ ಹಾಡುತ್ತಿರುವ ಕೆಲ ಜನಪ್ರಿಯ ಸಿನಿಮಾಗಳ ಹಾಡುಗಳು ಭಾರಿ ವೈರಲ್ ಆಗುತ್ತಿವೆ. ಅದರಲ್ಲಿ ಒಂದು ಹಾಡನ್ನು ಅವರ ಅನುಯಾಯಿಗಳ ಒತ್ತಾಯದ ಮೇರೆಗೆ ಹಾಡಿದ್ದಾರೆ. ಈ ಹಾಡು ಪವರ್ ಸ್ಟಾರ್ ಪುನೀತ್ ರಾಜ್ ಕುಮಾರ್ ಅಭಿನಯದ ಚಿತ್ರ ಯುವರತ್ನದ ಜನಪ್ರಿಯ ಗೀತೆ ‘ನೀನಾದೆ ನಾ…’ ಆಗಿದೆ. ಈ ಹಾಡನ್ನು ಕೇಳಿದ ಪ್ರೇಕ್ಷಕರು ವಿಶ್ವನಾಥ್ ಅವರ ಕಂಠವನ್ನು ಮೆಚ್ಚಿ ಕೊಂಡಾಡಿದ್ದಾರೆ.
https://www.instagram.com/tv/CPI2C5XgyB_/?utm_medium=copy_link
ಸೋಷಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿರುವ, ವಿಶ್ವನಾಥ್ ಹಾಡಿರುವ ಮತ್ತೊಂದು ಜನಪ್ರಿಯ ಗೀತೆ ‘ದಿಯಾ’ ಚಿತ್ರದ್ದು. ಈ ಗೀತೆಗೂ ಕೂಡ ಅಭಿಮಾನಿಗಳಿಂದ ಕಮೆಂಟ್ಗಳ ಮಹಾಪೂರವೇ ಹರಿದು ಬಂದಿದೆ. ವಿಶ್ವನಾಥ್ ತಮ್ಮ 19ನೇ ವಯಸ್ಸಿನಲ್ಲಿಯೇ ಅದ್ಭುತವಾಗಿ ಹಾಡು ಹೇಳುವುದು ಮಾತ್ರವಲ್ಲದೇ, ಹಾಡು ರಚಿಸುತ್ತಿರುವುದು ನೋಡಿ ಅಭಿಮಾನಿಗಳು ಬೆರಗಾಗಿದ್ದಾರೆ.
