ಟಾಲಿವುಡ್ ಖ್ಯಾತ ಡೈರೆಕ್ಟರ್ ರಾಜಮೌಳಿ ನಿರ್ದೇಶನದ ಬಹುನಿರೀಕ್ಷಿತ ಪ್ಯಾನ್ ಇಂಡಿಯಾ ಸಿನಿಮಾ ಆರ್ಆರ್ಆರ್ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಶೂಟಿಂಗ್ನಲ್ಲಿ ಈಗಾಗಲೇ ರಾಮ್ಚರಣ್ ಮತ್ತು ಜೂ.ಎನ್ಟಿಆರ್ ಭಾಗಿಯಾಗಿದ್ದು, ಕೆಲವು ಭಾಗದ ಶೂಟಿಂಗ್ ಅನ್ನು ಮುಗಿಸಿದ್ದಾರೆ. ಸದ್ಯ ಬಾಲಿವುಡ್ ನಟಿ ಆಲಿಯಾ ಭಟ್ ಚಿತ್ರತಂಡವನ್ನು ಸೇರಿಕೊಂಡಿದ್ದಾರೆ.
ಈ ಬಗ್ಗೆ ಸ್ವತಃ ನಟಿ ಆಲಿಯಾ ಭಟ್ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಮಾಹಿತಿ ಹಂಚಿಕೊಂಡಿದ್ದು, ಆರ್ಆರ್ಆರ್ ಶೂಟಿಂಗ್ಗೆ ತೆರಳುತ್ತಿದ್ದೇನೆ ಎಂದು ಬರೆದುಕೊಂಡಿದ್ದಾರೆ. ವಿಡಿಯೋ ಒಂದನ್ನು ಇನ್ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಹಾಕಿರುವ ನಟಿ ಅಭಿಮಾನಿಗಳಿಗೆ ಶೂಟಿಂಗ್ಗೆ ತೆರಳುತ್ತಿರುವ ಮಾಹಿತಿಯನ್ನು ನೀಡಿದ್ದಾರೆ.
ಈ ಹಿಂದೆ ಹಲವಾರು ವದಂತಿಗಳು ಹರಿದಾಡಿದ್ದು, ಆರ್ಆರ್ಆರ್ ಚಿತ್ರದಲ್ಲಿ ಆಲಿಯಾ ಭಟ್ ಬದಲು ಪರಿಣಿತಿ ಚೋಪ್ರಾ ನಟಿಸುತ್ತಾರೆ ಎಂಬೆಲ್ಲ ವದಂತಿಗಳು ಹರಿದಾಡಿದ್ದವು. ಇದನ್ನು ತಳ್ಳಿ ಹಾಕಿದ್ದ ಸಿನಿಮಾ ವಿಮರ್ಶಕ ತರುಣ್ ಆದರ್ಶ್ ಅವರು ಆಲಿಯಾ ಭಟ್ ಆರ್ಆರ್ಆರ್ನಲ್ಲಿ ನಟಿಸುವುದನ್ನು ಪಕ್ಕಾ ಮಾಡಿದ್ದರು. ಆರ್ಆರ್ಆರ್ ಚಿತ್ರದಲ್ಲಿ ಬಾಲಿವುಡ್ನ ಮತ್ತೊಬ್ಬ ನಟ ಕೂಡ ಕಾಣಿಸಿಕೊಳ್ಳುತ್ತಿದ್ದು, ಪ್ರಮುಖ ಪಾತ್ರವೊಂದಕ್ಕೆ ಅಜಯ್ ದೇವಗನ್ ಬಣ್ಣ ಹಚ್ಚುತ್ತಿದ್ದಾರೆ.
ಚಳಿಯನ್ನೂ ಲೆಕ್ಕಿಸದೇ ಚಿತ್ರತಂಡ ಸಿನಿಮಾ ಶೂಟಿಂಗ್ನಲ್ಲಿ ಬ್ಯುಸಿಯಾಗಿದೆ. ಚಿತ್ರದಲ್ಲಿ ರಾಮ್ಚರಣ್ ತೇಜ ಅಲ್ಲೂರಿ ಸೀತಾರಾಮರಾಜು ಪಾತ್ರದಲ್ಲಿ ನಟಿಸುತ್ತಿದ್ದು, ಜೂ.ಎನ್ಟಿಆರ್ ಕೋಮುರಾಮ್ ಭೀಮ್ ಪಾತ್ರಕ್ಕೆ ಬಣ್ಣ ಹಚ್ಚುತ್ತಿದ್ದಾರೆ.
