ಕೊರೊನಾ ವೈರಸ್​ ತಡೆಯಲು ಹೋಮದಲ್ಲಿ ತೊಡಗಿಕೊಂಡ ನಟಿ , ನಿರ್ಮಾಪಕಿ ರೂಪ ಅಯ್ಯರ್

ಕೊರೊನಾ ವಿರುದ್ಧ ಹೋರಾಡಲು ನಟಿ ರೂಪ ಅಯ್ಯರ್​ ಸುದರ್ಶನ ಹೋಮದ ಮೊರೆ ಹೋಗಿದ್ದಾರೆ.

ಕೊರೊನಾದಿಂದ ಮುಕ್ತಿ ಹೊಂದಲು ಹಾಗೂ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಲು ನಿರ್ದೇಶಕಿ ರೂಪ ಅಯ್ಯರ್ ಹೊಸ ಮಾರ್ಗವೊಂದನ್ನು ಹೇಳಿಕೊಟ್ಟಿದ್ದಾರೆ.

ಹೌದು, ದೇವರ ಬಗ್ಗೆ ತುಂಬಾನೇ ನಂಬಿಕೆ ಇರುವ ನಟಿ ಕಂ ನಿರ್ದೇಶಕಿ ರೂಪ ಐಯ್ಯರ್ ಐದು ದಿನಗಳ ಕಾಲ ಬೆಳಗಿನ ಜಾವ 3 ಗಂಟೆಗೆ ಎದ್ದು ಸುದರ್ಶನ ಹೋಮವನ್ನು ಮಾಡುತ್ತಿದ್ದಾರೆ.

ಕೊರೊನಾ ವೈರಸ್​ ತಡೆಯಲು ರೂಪ ಐಯ್ಯರ್ ಈ ಹೋಮವನ್ನ ಮಾಡುತ್ತಿದ್ದು, ಹಾಗೇ ಸಾರ್ವಜನಿಕರು ಕೂಡ ತಮ್ಮ ಮನೆಯಲ್ಲೇ ಈ ರೀತಿಯ ಹೋಮ ಮಾಡಿ ದೇಹದಲ್ಲಿ ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸಿಕೊಳ್ಳಿ ಎಂದು ಹೇಳಿದ್ದಾರೆ.