ಬಾಲಿವುಡ್ ಧಕ್ ಧಕ್ ನಟಿ ಮಾಧುರಿ ದೀಕ್ಷಿತ್ ಫೈಂಡಿಂಗ್ ಅನಾಮಿಕಾ ಎಂಬ ವೆಬ್ ಸಿರೀಸ್ನಲ್ಲಿ ನಟಿಸುತ್ತಿದ್ದು, ಅದರಲ್ಲಿ ಅವರು ಅಭಿನಯಿಸಿರುವ ಪಾತ್ರವನ್ನು ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ.
ಫೈಂಡಿಂಗ್ ಅನಾಮಿಕಾ ಎಂಬ ಸೆನ್ಸೆಷನಲ್ ಡ್ರಾಮಾ ವೆಬ್ ಸರಣಿಯಲ್ಲಿ ಮಾಧುರಿ ದೀಕ್ಷಿತ್ ನಟಿಸುವ ಮೂಲಕ ಡಿಜಿಟಲ್ ಜಗತ್ತಿಗೆ ಪದಾರ್ಪಣೆ ಮಾಡುತ್ತಿದ್ದಾರೆ. ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಫೋಟೋ ಶೇರ್ ಮಾಡುವ ಮೂಲಕ ತನ್ನ ಪಾತ್ರವನ್ನು ಅಭಿಮಾನಿಗಳಿಗೆ ಪರಿಚಯಿಸಿದ್ದಾರೆ. ಫೈಂಡಿಂಗ್ ಅನಾಮಿಕಾ ಸಿರೀಸ್ ಮೂಲಕ ನಾನು ನೆಟ್ಫ್ಲಿಕ್ಸ್ನ ಒಂದು ಭಾಗವಾಗುತ್ತಿರುವುದು ಸಂತಸ ತಂದಿದೆ ಎಂದು ಬರೆದುಕೊಂಡಿದ್ದಾರೆ.
ಫೈಂಡಿಂಗ್ ಅನಾಮಿಕಾ ಕರಣ್ ಜೋಹರ್, ಅಪೂರ್ವಾ ಮೆಹ್ತಾ, ಸೊಮೆನ್ ಮಿಶ್ರಾ ಅವರು ಧರ್ಮಟಿಕ್ ಎಂಟರ್ಟೈನ್ಮೆಂಟ್ ಬ್ಯಾನರ್ ಅಡಿ ನಿರ್ಮಾಣಗೊಂಡಿದ್ದು, ಇದೊಂದು ಫ್ಯಾಮಿಲಿ ಡ್ರಾಮಾ ವೆಬ್ ಸಿರೀಸ್ ಆಗಿದೆ. ಇದರಲ್ಲಿ 53 ವರ್ಷದ ಮಾಧುರಿ ದೀಕ್ಷಿತ್ ಮನಮೋಹಕ ಅವತಾರದಲ್ಲಿ ಕಾಣಿಸಿಕೊಂಡಿದ್ದಾರೆ. ಈ ವೆಬ್ ಸಿರೀಸ್ ನೆಟ್ಫ್ಲಿಕ್ಸ್ನಲ್ಲಿ ಪ್ರಸಾರವಾಗಲಿದೆ.
ಈ ವೆಬ್ ಸಿರೀಸ್ನಲ್ಲಿ ಸಂಜಯ್ ಕಪೂರ್, ಮಾನವ್ ಕೌಲ್, ಲಕ್ಷ್ವೀರ್ ಸರನ್, ಸುಹಸಿನಿ ಮುಲೇ, ಮತ್ತು ಮುಸ್ಕನ್ ಜಾಫೆರಿ, ಕರಿಷ್ಮಾ ಕೊಹ್ಲಿ, ಬೆಜಾಯ್ ನಂಬಿಯಾರ್ ಮೊದಲಾದವರು ಅಭಿನಯಿಸಿದ್ದಾರೆ.