ಮೊಬೈಲ್ ಉತ್ಪಾದನಾ ಸಂಸ್ಥೆಗಳು ಗ್ರಾಹಕರನ್ನು ಸೆಳೆಯಲು ಹಲವಾರು ನೂತನ ವಿಧಾನಗಳನ್ನು ಪರಿಚಯಿಸುತ್ತವೆ. ಅದರಲ್ಲಿ ಕ್ಯಾಮೆರಾ ಬಹು ಬೇಡಿಕೆಯ ಅಪ್ಗ್ರೇಡ್ ಅಂಶ. 50 ಎಂಪಿ ಸಾಮರ್ಥ್ಯದ ಫೋನ್ಗಳು ಈಗ ಮಾರುಕಟ್ಟೆಯಲ್ಲಿ ಸರ್ವೇಸಾಮಾನ್ಯವಾಗಿವೆ. ಇದೀಗ ಮೊಟೊರೋಲಾ ಕಂಪನಿ ಬರೋಬ್ಬರಿ 200 ಎಂಪಿ ಕ್ಯಾಮೆರಾದೊಂದಿಗೆ ಮಾರುಕಟ್ಟೆಗೆ ಲಗ್ಗೆ ಇಡಲು ಸಜ್ಜಾಗಿದೆ.
ಹೌದು ಅಮೆರಿಕಾ ಮೂಲದ ಮೊಟೊರೋಲಾ ಟೆಲಿಕಾಂ ಕಂಪನಿ 200 ಮೆಗಾಪಿಕ್ಸಲ್ ಕ್ಯಾಮೆರಾ ಸಾಮರ್ಥ್ಯದ ಮೊಬೈಲ್ ಅನ್ನು ಪರಿಚಯಿಸುತ್ತಿದೆ. ಮೋಟೋ X30 ಪ್ರೊ ಹೆಸರಿನಲ್ಲಿ ತರಲಿದೆ. 200 ಮೆಗಾಪಿಕ್ಸೆಲ್ ಹೊಂದಿರುವ ವಿಶ್ವದ ಮೊದಲ ಸ್ಮಾರ್ಟ್ಫೋನ್ ಇದಾಗಲಿದೆ. ಮೋಟೋ ಈ ಫೋನ್ ಅನ್ನು ಆಗಸ್ಟ್ 2 ರಂದು ಚೀನಾದಲ್ಲಿ ಬಿಡುಗಡೆ ಮಾಡಲು ಯೋಜಿಸಿದೆ.
ಮೊಬೈಲ್ನ ಪ್ರೊಸೆಸೆರ್ ಸ್ನ್ಯಾಪ್ಡ್ರಾಗನ್ 700 ಸಾಮರ್ಥ್ಯ ಇರಲಿದ್ದು, ಅಂಡ್ರಾಯ್ಡ್ 12 ನೊಂದಿಗೆ ಇದು ಕೆಲಸ ಮಾಡುತ್ತದೆ. 1 ನೇ ತಲೆಮಾರಿನ ಬಲವಾದ ಮೊಬೈಲ್ ಇದಾಗಿದೆ ಎಂದು ಟೆಕ್ ಮೂಲಗಳು ತಿಳಿಸಿವೆ.
ಇದು 125 W ವೇಗದ ಚಾರ್ಜಿಂಗ್ ಸೌಲಭ್ಯ, 12GB ರ‍್ಯಾಮ್ ಮತ್ತು ಅಮ್ಲೋಯ್ಡ್ ಪರದೆಯನ್ನು ಹೊಂದಿದೆ. 200 ಎಂಪಿ ಕ್ಯಾಮೆರಾವು 35, 50, 85 ಎಂಎಂ ಫೋಕಲ್ ಲೆಂಗ್ತ್ ಹೊಂದಿದೆ.
ಈ ಹೆಚ್ಚಿನ ಸಾಮರ್ಥ್ಯದ ಕ್ಯಾಮೆರಾ ಆಧಾರಿತ ಫೋನ್‌ನ ಬೆಲೆ ಎಷ್ಟು? ಯಾವಾಗ ಭಾರತಕ್ಕೆ ಬರಲಿದೆ ಎಂಬ ಬಗ್ಗೆ ಕಂಪನಿ ಇನ್ನೂ ಮಾಹಿತಿ ನೀಡಿಲ್ಲ. ಇದರ ಸಂಪೂರ್ಣ ವಿವರಗಳನ್ನು ತಿಳಿಯಲು ಇನ್ನೂ ಕೆಲ ದಿನಗಳು ಕಾಯಬೇಕಾಗಿದೆ. ಮೊಟೊರೊಲಾ ಈ ಕ್ಯಾಮೆರಾ ಫೋನ್ ಮೂಲಕ ಮತ್ತೊಮ್ಮೆ ಟೆಕ್ ಜಗತ್ತಿನ ಗಮನವನ್ನು ಸೆಳೆದಿದೆ.
ಓದಿ: ನೀರಿಲ್ಲದೇ ಸೆಕೆಂಡುಗಳಲ್ಲಿ ಬಟ್ಟೆ ಒಗೆಯುವ ವಾಷಿಂಗ್ ಮಷಿನ್.. ಡಿಟರ್ಜೆಂಟೂ ಬೇಕಿಲ್ಲ
