ಚಿತ್ತೂರು: ಬೈಕ್ಗೆ ಲಾರಿ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ನಲ್ಲಿದ್ದ ಒಂದೇ ಕುಟುಂಬದ ಮೂವರು ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ಕೆವಿ ಪಲ್ಲಿ ಮಂಡಳದಲ್ಲಿ ನಡೆದಿದೆ.
ಮೃತರನ್ನು ಚಿನ್ನ ಗೊಟ್ಟಿಗಲ್ಲು ಗ್ರಾಮದ ಶಂಕರಯ್ಯ, ಅವರ ಪತ್ನಿ ರೆಡ್ಡೆಮ್ಮ ಹಾಗೂ ಅವರ ಪುತ್ರ ಅಖಿಲ್ ಎಂದು ಗುರುತಿಸಲಾಗಿದೆ. ಬೈಕ್ನಲ್ಲಿದ್ದ ಮೂವರು ಚಿತ್ತೂರಿನಿಂದ ಕಡಪ ಜಿಲ್ಲೆಗೆ ಬರುತ್ತಿದ್ದ ವೇಳೆ ಹಿಂದಿನಿಂದ ಬಂದ ಸಿಮೆಂಟ್ ತುಂಬಿದ್ದ ಲಾರಿ ಗುದ್ದಿ ದುರಂತ ಸಂಭವಿಸಿದೆ.
ಮೃತದೇಹಗಳನ್ನು ಚಿತ್ತೂರು ಜಿಲ್ಲೆಯ ಪಿಲೇರು ಸರ್ಕಾರಿ ಆಸ್ಪತ್ರೆಗೆ ರವಾನಿಸಿದ್ದು, ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿದ್ದೇವೆ ಎಂದು ಇನ್ಸ್ಪೆಕ್ಟರ್ ಜಿ.ಶಿವಪ್ರಸಾದ್ ರೆಡ್ಡಿ ತಿಳಿಸಿದ್ದಾರೆ.
