ಸ್ಯಾನ್ಫ್ರಾನ್ಸಿಸ್ಕೋ: ಆ್ಯಪಲ್ನ ಬಹುನಿರೀಕ್ಷಿತ 16 ಇಂಚಿನ ಮ್ಯಾಕ್ಬುಕ್ ಪ್ರೋ ಗ್ಯಾಜೆಟ್ನ ಅಡಾಪ್ಟರ್ ಸೋರಿಕೆಯಾಗಿರುವ ಚಿತ್ರ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
ಆ್ಯಪಲ್ ಸಂಸ್ಥೆಯು ತನ್ನ ಬಹುಬೇಡಿಕೆಯ ಮ್ಯಾಕ್ಬುಕ್ ಹಲವು ಶ್ರೇಣಿಗಳ ಉತ್ಪನ್ನಗಳನ್ನು ಈಗಾಗಲೇ ಮಾರುಕಟ್ಟೆಗೆ ಪರಿಚಯಿಸಿದ್ದು, ಇದೇ ಶ್ರೇಣಿಯಡಿ 16 ಇಂಚಿನ ಗ್ಯಾಜೆಟ್ ಬಿಡುಗಡೆ ಸಿದ್ಧತೆ ನಡೆಸುತ್ತಿತ್ತು. ಎ2166 ಸಂಖ್ಯೆಯ ಅಡಾಪ್ಟರ್ ಫೋಟೋ ಇಂಟರ್ನೆಟ್ನಲ್ಲಿ ಹರಿದಾಡುತ್ತಿದೆ.
ಫೋಟೋದಲ್ಲಿ 15 ಇಂಚಿನ ಮ್ಯಾಕ್ಬುಕ್ ಪ್ರೊಗಾಗಿ ಬಳಸಿದ ಅಡಾಪ್ಟರ್ನ ಗಾತ್ರ 87W ಆಗಿದೆ ಎಂದು ಆ್ಯಪಲ್ ಇನ್ಸೈಡರ್ ವರದಿ ಮಾಡಿದೆ. ಮುಂಬರಲಿರುವ ಎಕ್ಸ್ಡಿಆರ್ ಚಾರ್ಜರ್ 96W ಪಾಸ್-ಥ್ರೂ ಚಾರ್ಜಿಂಗ್ ಸಾಮರ್ಥ್ಯ ಹೊಂದಿರಲಿದೆ ಎಂದು ಆ್ಯಪಲ್ ಧೃಡಪಡಿಸಿತ್ತು. ಇದು ಇಂಟೆಲ್‌ನ ಕಾಫಿ ಲೇಕ್-ಎಚ್ ಮೊಬೈಲ್ ಪ್ರೋಸೆಸರ್ ಸರಣಿಯ ರಿಫ್ರೆಶರ್ನಿಂದ ನಿಯಂತ್ರಿಸಲ್ಪಡುತ್ತದೆ ಎಂದು ತಿಳಿಸಿತ್ತು.
ಇದಲ್ಲದೆ 15 ಇಂಚಿನ ಮ್ಯಾಕ್ಬುಕ್ ಪ್ರೊ ನಷ್ಟೆ ಗಾತ್ರದ್ದಾಗಿರುತ್ತದೆ ಎಂಬ ವದಂತಿ ಸಹ ಹಬ್ಬಿದೆ. ಆದರೆ, ಇದು 3072 X 1920 ರೆಸಲ್ಯೂಶನ್ ಹೊಂದಿದೆ ಎನ್ನಲಾಗಿದೆ. 13 ಇಂಚಿನ ಮ್ಯಾಕ್ಬುಕ್ ಪ್ರೊ 61W ಯುಎಸ್‌ಬಿ-ಸಿ ಅಡಾಪ್ಟರ್ ಹೊಂದಿದ್ದರೆ 15 ಇಂಚಿನ 87W ಸಾಮರ್ಥ್ಯದ ಅಡಾಪ್ಟರ್ ಹೊಂದಿದೆ.
