ನವದೆಹಲಿ: ಐಎನ್ಎಸ್ ವಿರಾಟ್ ಯುದ್ಧ ನೌಕೆಯನ್ನು ರಾಜೀವ್ ಗಾಂಧಿ ತಮ್ಮ ರಜೆಯ ಮಜಾ ಅನುಭವಿಸಲು ಉಪಯೋಗಿಸಿದ್ದರು ಎನ್ನುವ ಪ್ರಧಾನಿ ಮೋದಿಯ ಆರೋಪಕ್ಕೆ ಲಕ್ಷದ್ವೀಪದಲ್ಲಿ ಕಾರ್ಯನಿರ್ವಹಿಸಿದ ಅಂದಿನ ಅಧಿಕಾರಿ ವಜಾಹತ್ ಹಬೀಬುಲ್ಲಾ ಪ್ರತಿಕ್ರಿಯೆ ನೀಡಿದ್ದಾರೆ.
ಲಕ್ಷದ್ವೀಪದಲ್ಲಿ ಐಎನ್ಎಸ್ ವಿರಾಟ್ ಯುದ್ಧನೌಕೆಯನ್ನು ನಿಲ್ಲಿಸಲಾಗಿತ್ತೇ ವಿನಾ ಗಾಂಧಿ ಕುಟುಂಬ ಅದನ್ನು ರಜೆಯ ಮಜಕ್ಕಾಗಿ ಬಳಕೆ ಮಾಡಿರಲಿಲ್ಲ ಎಂದು ಮಾಜಿ ಅಧಿಕಾರಿ ವಜಾಬಹತ್ ಹಬೀಬುಲ್ಲಾ ಸ್ಪಷ್ಟನೆ ನೀಡಿದ್ದಾರೆ.
ಹೆಚ್ಚಿನ ಓದಿಗಾಗಿ:
ರಜೆ ಮಜೆಗೆ ಐಎನ್ಎಸ್ ಬಳಕೆ ಆಗ್ತಿತ್ತು.. ಮತ್ತೆ ಗಾಂಧಿ ಕುಟುಂಬ ಟಾರ್ಗೆಟ್ ಮಾಡಿದ ನಮೋ
ರಾಜೀವ್ ಗಾಂಧಿ ಹಾಗೂ ಸೋನಿಯಾ ಗಾಂಧಿ ಹೆಲಿಕಾಪ್ಟರ್ನಲ್ಲಿ ಲಕ್ಷದ್ವೀಪದಲ್ಲಿ ಬಂದಿಳಿದಿದ್ದರು. ಐಎನ್ಎಸ್ ವಿರಾಟ್ ಪ್ರಧಾನಿಯವರ ಭದ್ರತೆಗಾಗಿ ನಿಯೋಜನೆ ಮಾಡಲಾಗಿತ್ತು. ಆ ವೇಳೆ ಭದ್ರತೆಗೆ ಯುದ್ಧನೌಕೆಯ ಹೊರತಾಗಿ ಬೇರೆ ಆಯ್ಕೆಗಳಿರಲಿಲ್ಲ ಎಂದು ಹಬೀಬುಲ್ಲಾ ಹೇಳಿದ್ದಾರೆ.
ಅಧಿಕೃತ ಮೀಟಿಂಗ್ಗಾಗಿ ರಾಜೀವ್ ಗಾಂಧಿ ಲಕ್ಷದ್ವೀಪಕ್ಕೆ ಬಂದಿದ್ದರು. ಅತಿಥಿಗಳು ಬಂದ ವೇಳೆ ರಾಜೀವ್ ಗಾಂಧಿ ಐಎನ್ಎಸ್ ವಿರಾಟ್ನಲ್ಲಿ ತಂಗಿದ್ದರು. ಆದರೆ ಯಾವುದೇ ವಿದೇಶಿಯರಿಗೆ ಅಥವಾ ಅತಿಥಿಗಳಿಗೆ ಯುದ್ಧನೌಕೆಯೊಳಗೆ ಪ್ರವೇಶಿಸಲು ಅನುಮತಿ ಇರಲಿಲ್ಲ ಎಂದು ಹಬೀಬುಲ್ಲಾ ತಿಳಿಸಿದ್ದಾರೆ.
