ಫರಿದಾಬಾದ್(ಹರಿಯಾಣ): ಫೋನ್ನಲ್ಲಿ ಮಾತನಾಡುವಾಗ ಅನೇಕ ಅವಾಂತರಗಳು ಸಂಭವಿಸಿರುವ ಘಟನೆ ಈಗಾಗಲೇ ನಮ್ಮ ಮುಂದೆ ನಡೆದಿದ್ದು, ಸದ್ಯ ಅಂತಹ ಮತ್ತೊಂದು ಘಟನೆ ಹರಿಯಾಣದ ಫರಿದಾಬಾದ್ನಲ್ಲಿ ನಡೆದಿದೆ. ಮೊಬೈಲ್ನಲ್ಲಿ ಮಾತನಾಡ್ತಿದ್ದ ಮಹಿಳೆಯೊಬ್ಬಳು ಮಗುವಿನೊಂದಿಗೆ ಮ್ಯಾನ್ಹೋಲ್ನಲ್ಲಿ ಬಿದ್ದಿದ್ದಾಳೆ.
ಹರಿಯಾಣದ ಜವಾಹರ್ ಕಾಲೋನಿಯಲ್ಲಿ ಈ ಘಟನೆ ನಡೆದಿದ್ದು, ಚಿಕ್ಕ ಮಗು ಹೊತ್ತುಕೊಂಡು ಫೋನ್ನಲ್ಲಿ ಮಾತನಾಡುತ್ತ ತೆರಳುತ್ತಿದ್ದ ಮಹಿಳೆಯೋರ್ವಳು ಏಕಾಏಕಿಯಾಗಿ ಮ್ಯಾನ್ ಹೋಲ್ನಲ್ಲಿ( ತೆರೆದ ಚರಂಡಿ) ಬಿದ್ದಿದ್ದಾರೆ. ಇದರ ವಿಡಿಯೋ ಸ್ಥಳೀಯ ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಅದೃಷ್ಟವಶಾತ್ ಈ ಘಟನೆಯಲ್ಲಿ ಯಾವುದೇ ರೀತಿಯ ಅವಘಡ ಸಂಭವಿಸಿಲ್ಲ. ಘಟನಾ ಸ್ಥಳದಲ್ಲಿ ಸೇರಿದ್ದ ಕೆಲವರು ತಕ್ಷಣವೇ ಮಹಿಖೆ ಹಾಗೂ ಮಗುವನ್ನ ಸುರಕ್ಷಿತವಾಗಿ ಹೊರತೆಗೆದಿದ್ದಾರೆ.
ಇದನ್ನೂ ಓದಿರಿ: ಬೆಕ್ಕಿನ ಮರಿ ಎಂದು ರಕ್ಷಿಸಲು ಹೋಗಿ ಚಿರತೆ ಎತ್ತಿಕೊಂಡ YSRTP ಮುಖಂಡ.. ಮುಂದೇನಾಯ್ತು!?
ಕಳೆದ ಕೆಲ ದಿನಗಳ ಹಿಂದೆ ಮ್ಯಾನ್ ಹೋಲ್ನ ಮೇಲಿನ ಮುಚ್ಚಳ ಮುರಿದು ಹೋಗಿದ್ದು, ಇದರ ಬಗ್ಗೆ ದೂರು ನೀಡಿದರೂ ಸ್ಥಳೀಯ ಆಡಳಿತ ಮಂಡಳಿ ಇದರ ಬಗ್ಗೆ ಗಮನ ಹರಿಸಿರಲಿಲ್ಲ. ಇದೀಗ ಮಹಿಳೆ ಇದರಲ್ಲಿ ಬಿದ್ದಿದ್ದಾಳೆ.
