ಶಿವನ ಕಂಠ ಅಲಂಕರಿಸಿದ ನಾಗರಾಜ : ಎರಡನೇ ಸೋಮವಾರ ನಡೆದ ಮಹಾದೇವನ ಪವಾಡ

ರಾಜಸ್ಥಾನದ ನಾಗೌರ್​​ನಲ್ಲಿ ಪವಾಡ ರೀತಿಯ ಘಟನೆಯೊಂದು ನಡೆದಿದೆ. ನಗರದ ಲ್ಯಾಂಡ್ನುವಿನಲ್ಲಿರುವ ಶಿವನ ದೇವಸ್ಥಾನದ ಶಿವನ ಲಿಂಗದ ಮೇಲೆ ಕರಿ ನಾಗರ ಹಾವೊಂದು ಸುತ್ತುವರೆದು ಕುಳಿತಿದೆ. ಇದು ಮಹಾದೇವನ ಪವಾಡವೆಂದು ತಿಳಿದ ಅಪಾರ ಭಕ್ತರು ದೇಗುಲಕ್ಕೆ ಆಗಮಿಸಿ ಹಾಲೆರೆದು ಪೂಜೆ ಸಲ್ಲಿಸುತ್ತಿದ್ದಾರೆ..

ನಾಗೌರ್ : ನಗರದ ಲ್ಯಾಂಡ್ನುವಿನಲ್ಲಿರುವ ಶಿವನ ದೇವಸ್ಥಾನದಲ್ಲಿ ಒಂದು ಅಪರೂಪದ ಘಟನೆಯೊಂದು ನಡೆದಿದೆ. ಶಿವಲಿಂಗವನ್ನು ನಾಗರ ಹಾವು ಸುತ್ತುವರೆದು ಕುಳಿತಿದೆ. ಈ ಸದೃಶ್ಯ ಘಟನೆ ನೋಡಲು ಭಕ್ತರು ದೇವಾಲಯದತ್ತ ಧಾವಿಸುತ್ತಿದ್ದಾರೆ.

ಶ್ರಾವಣದ ಎರಡನೇ ಸೋಮವಾರ ಮಹಾದೇವನನ್ನು ಪೂಜಿಸಲು ಲ್ಯಾಂಡ್ನುವಿನ ಶಿವ ದೇವಸ್ಥಾನಕ್ಕೆ ಭಕ್ತರು ಬಂದಿದ್ದರು. ಈ ಸಂದರ್ಭದಲ್ಲಿ ದೇವಾಲಯದಲ್ಲಿದ್ದ ಲಿಂಗುವಿನ ಮೇಲೆ ಕರಿ ನಾಗರ ಹಾವೊಂದು ಸುತ್ತುವರಿದು ಕುಳಿತಿತ್ತು. ಜನರು ಕೂಡ ಹಾವನ್ನು ತೆಗೆಯಲು ಸಾಕಷ್ಟು ಪ್ರಯತ್ನಿಸಿದರೂ ಆಗಲಿಲ್ಲ. ಹಾವು ಸುಮಾರು 4 ಗಂಟೆಗಳ ಕಾಲ ಶಿವಲಿಂಗುವಿನ ಮೇಲೆ ಕುಳಿತಿತ್ತು.

ಸುದ್ದಿ ತಿಳಿದ ಜನರು ಹಾಲಿನೊಂದಿಗೆ ಸ್ಥಳಕ್ಕೆ ಆಗಮಿಸಿ ಹಾವಿಗೆ ಹಾಲೆರೆದು ಪೂಜಿಸುತ್ತಿದ್ದಾರೆ. ಮಹಾದೇವನ ಭಕ್ತರು ಶಿವ ದೇವಾಲಯದಲ್ಲಿ ಹಾವು ಕಾಣುವುದನ್ನು ಒಂದು ಶುಭ ಸಂಕೇತವೆಂದು ಪರಿಗಣಿಸುತ್ತಿದ್ದು, ದರ್ಶನ ಪಡೆದುಕೊಳ್ಳುತ್ತಿದ್ದಾರೆ.