ಬಾರ್ಮರ್ (ರಾಜಸ್ಥಾನ): ಇಲ್ಲಿನ ಭಾರತ-ಪಾಕಿಸ್ತಾನ ಅಂತಾರಾಷ್ಟ್ರೀಯ ಗಡಿಯಲ್ಲಿ ಪಾಕಿಸ್ತಾನ ನುಸುಳುಕೋರರನ್ನು ಭದ್ರತಾ ಪಡೆ ಸೆರೆಹಿಡಿದಿದ್ದಾರೆ ಎಂದು ಡಿಐಜಿ ವಿನೀತ್ ಕುಮಾರ್ ಖಚಿತಪಡಿಸಿದ್ದು, ಗುಪ್ತಚರ ಮತ್ತು ಭದ್ರತಾ ಸಂಸ್ಥೆಗಳು ಒಳ ನುಸುಳುಕೋರರನ್ನು ವಿಚಾರಣೆ ನಡೆಸುತ್ತಿವೆ. ಬಂಧಿಸಿರುವವರನ್ನು ಪಾಕಿಸ್ತಾನದ ನಿವಾಸಿಗಳಾದ ಮೋಹಿತ್ ನಾರ್ತ್, ಸುಮರ್ ಖಾನ್ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಬಾರ್ಮರ್ ಪ್ರಾಂತ್ಯದ ಮುನಾಬಾವೊ ಪ್ರದೇಶದಲ್ಲಿ ಒಳನುಸುಳಿ ಭಾರತ ಭೂಪ್ರದೇಶ ತಲುಪಿದ್ದ ಇಬ್ಬರನ್ನು ಬಂಧಿಸಲಾಗಿದೆ.
ಗಡಿನುಸುಳಿ ಭಾರತ ಭೂಪ್ರದೇಶ ಪ್ರವೇಶಿಸಿದ್ದ ಇಬ್ಬರು ಪಾಕ್ ಪ್ರಜೆಗಳ ಬಂಧನ
ಇದಕ್ಕೂ ಮೊದಲು 2 ದಿನಗಳ ಹಿಂದೆ ಪಾಕಿಸ್ತಾನದಿಂದ ಹೆರಾಯಿನ್ ಕಳ್ಳಸಾಗಣೆಗೆ ಸಂಬಂಧಿಸಿದ ಪ್ರಕರಣದಲ್ಲಿ ಓರ್ವನನ್ನು ಗಡಿಯಲ್ಲಿ ಬಿಎಸ್ಎಫ್ ಬಂಧಿಸಿತ್ತು.
ಓದಿ: ಛತ್ತೀಸಗಢ; ಎನ್ಕೌಂಟರ್ನಲ್ಲಿ ಇಬ್ಬರು ನಕ್ಸಲರು ಹತ, ಶಸ್ತ್ರಾಸ್ತ್ರ ವಶ
