ಗಾಜಿಯಾಬಾದ್ : ಭಾರತದಲ್ಲಿ ಚೀನಾದ ಜನಪ್ರಿಯ ವಿಡಿಯೋ ಗೇಮಿಂಗ್ ಆ್ಯಪ್ ಪಬ್ಜಿ ನಿಷೇಧದ ಬಳಿಕ ವಿದ್ಯಾರ್ಥಿಗಳು ಅದೇ ರೀತಿಯ ಡೆಡ್ಲಿ ಗೇಮ್ಗಳನ್ನು ಗೂಗಲ್ನಲ್ಲಿ ಹೆಚ್ಚೆಚ್ಚು ಹುಡುಕುತ್ತಿದ್ದಾರೆ.
ಉತ್ತರಪ್ರದೇಶದ ಗಾಜಿಯಾಬಾದ್ನ ಮನೋವೈದ್ಯೆ ಹಿಮಿಕಾ ಅಗರ್‌ವಾಲ್ ಈ ಬಗ್ಗೆ ಮಾಹಿತಿ ನೀಡಿದ್ದಾರೆ. ಪಬ್ಜಿ ಬ್ಯಾನ್ ಬಳಿಕ ತಮ್ಮ ಮಕ್ಕಳು ಅದೇ ರೀತಿಯ ಗೇಮ್ಗಳನ್ನು ಹುಡುಕುತ್ತಿದ್ದಾರೆ. ಅವರನ್ನು ಗೇಮ್ಗಳ ಚಟದಿಂದ ಬಿಡಿಸುವಂತೆ ಅನೇಕ ಪೋಷಕರು ಮನೋವೈದ್ಯರನ್ನು ಸಂಪರ್ಕಿಸುತ್ತಿದ್ದಾರೆ ಎಂದು ಹಿಮಿಕಾ ಅಗರ್‌ವಾಲ್ ತಿಳಿಸಿದ್ದಾರೆ.
ಪಬ್ಜಿಗೆ ಅಡಿಕ್ಟ್ ಆಗಿ, ಪರೀಕ್ಷೆಗಳಲ್ಲಿ ಅಂಕ ತೆಗೆದುಕೊಂಡಿದ್ದ ವಿದ್ಯಾರ್ಥಿಯೋರ್ವ ಪ್ರತಿಕ್ರಿಯೆ ನೀಡಿದ್ದಾನೆ. ನಾನು ಕೂಡ ಮೊದಲು ಪಬ್ಜಿ ಗುಂಗಲ್ಲೇ ಇರುತ್ತಿದ್ದೆ. ಆದರೆ, ಶೈಕ್ಷಣಿಕ ಚಟುವಟಿಕೆಗಳಲ್ಲಿ ನನ್ನ ಭಾಗವಹಿಸುವಿಕೆ ಕಡಿಮೆಯಾಗುತ್ತಾ ಬಂದಂತೆ ನನ್ನ ತಪ್ಪಿನ ಅರಿವಾಯಿತು. ಪಬ್ಜಿ ಬ್ಯಾನ್ ಆದಾಗ ಡಿಪ್ರೆಷನ್ಗೆ ಹೋಗಿದ್ದೆ. ಇದು ಬ್ಯಾನ್ ಆಗಿರುವುದೇ ಒಳ್ಳೆಯದಾಗಿದೆ ಎಂದು ಹೇಳಿದ್ದಾನೆ.
ನಿಮ್ಮ ಮಕ್ಕಳು ಆನ್ಲೈನ್ ಗೇಮ್ನಿಂದ ಹೊರಬರಬೇಕೆಂದ್ರೆ ಅವರನ್ನು ಮನೆಯಿಂದ ಹೊರಗೆ ಬಿಟ್ಟು, ದೈಹಿಕ ಕ್ರೀಡೆಗಳಲ್ಲಿ ತೊಡಗಿಸಿಕೊಳ್ಳುವಂತೆ ಮಾಡಿ ಎಂದು ವೈದ್ಯರು ಪೋಷಕರಿಗೆ ಸಲಹೆ ನೀಡಿದ್ದಾರೆ.
