ಕೊರೊನಾ ವೈರಸ್ 'ಕಾಲರ್​ ಟ್ಯೂನ್': ಜಾಗೃತಿ ಮೂಡಿಸಲು ಟೆಲಿಕಾಂ ಸಂಸ್ಥೆಗಳಿಗೆ ಆದೇಶ!

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಕೋರಿಕೆ ಮೇರೆಗೆ ದೂರಸಂಪರ್ಕ ಇಲಾಖೆಯು (ಡಿಒಟಿ) ನೀಡಿದ ಈ ಆದೇಶವನ್ನು ಈಗಾಗಲೇ ಸರ್ಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್ ಮತ್ತು ರಿಲಯನ್ಸ್ ಜಿಯೋ ಪೂರ್ಣವಾಗಿ ಪಾಲಿಸಿವೆ. ಇತರ ಟೆಲಿಕಾಂ ಸಂಸ್ಥೆಗಳು ತಾಂತ್ರಿಕ ಕಾರಣಗಳಿಂದಾಗಿ ಇನ್ನೂ ನಿಯಮ ಪಾಲಿಸಿಲ್ಲ.

ನವದೆಹಲಿ: ಕೊರೊನಾ ವೈರಸ್​ ಕುರಿತು ಜಾಗೃತಿ ಮೂಡಿಸುವ 30 ಸೆಕೆಂಡುಗಳ ಆಡಿಯೊ ಕ್ಲಿಪ್‌ನ ಮೊಬೈಲ್ ಫೋನ್ ಬಳಕೆದಾರರ ಕಾಲರ್​ ಟ್ಯೂನ್​ (ರಿಂಗ್​ ಬ್ಯಾಕ್​ ಟ್ಯೂನ್) ​ಆಗಿ ಮಾಡುವಂತೆ ಎಲ್ಲಾ ಟೆಲಿಕಾಂ ಸಂಸ್ಥೆಗಳಿಗೆ ಸರ್ಕಾರ ಆದೇಶ ನೀಡಿದೆ.

ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆಯ ಕೋರಿಕೆ ಮೇರೆಗೆ ದೂರಸಂಪರ್ಕ ಇಲಾಖೆಯು (ಡಿಒಟಿ) ನೀಡಿದ ಈ ಆದೇಶವನ್ನು ಈಗಾಗಲೇ ಸರ್ಕಾರಿ ಸ್ವಾಮ್ಯದ ಬಿಎಸ್ಎನ್ಎಲ್ ಮತ್ತು ರಿಲಯನ್ಸ್ ಜಿಯೋ ಪೂರ್ಣವಾಗಿ ಪಾಲಿಸಿವೆ. ಇತರ ಟೆಲಿಕಾಂ ಸಂಸ್ಥೆಗಳು ತಾಂತ್ರಿಕ ಕಾರಣಗಳಿಂದಾಗಿ ಇನ್ನೂ ನಿಯಮ ಪಾಲಿಸಿಲ್ಲ.

ಆದರೆ, ಬಳಕೆದಾರರು ಈ ಮುಂದೆಯೇ ನಿರ್ದಿಷ್ಟ ಕಾಲರ್​ ಟ್ಯೂನ್‌ನ ಸೆಟ್​ ಮಾಡಿಕೊಂಡಿದ್ದರೆ ಅಂತವರಿಗೆ ಇದು ಅನ್ವಯವಾಗುವುದಿಲ್ಲ. ಅಲ್ಲದೇ ಎಸ್​ಎಂಎಸ್​ ಮೂಲಕ ಕೂಡ ಕೊರೊನಾ ವೈರಸ್​ ಕುರಿತು ಜಾಗೃತಿ ಮೂಡಿಸುವಂತೆ ಟೆಲಿಕಾಂ ಸಂಸ್ಥೆಗಳಿಗೆ ಸೂಚಿಸಲಾಗಿದೆ.