ಬೆಗುನ್(ರಾಜಸ್ಥಾನ): ರಾಜ್ಯದ ಕಾಂಗ್ರೆಸ್ ಶಾಸಕ ರಾಜೇಂದ್ರ ಬಿದೂರಿ, ಬಿಜೆಪಿ ಬೆಂಬಲಿಗಳು ಎಂಬ ಕಾರಣಕ್ಕೆ ಮಹಿಳೆಗೆ ಉಚಿತ ಪಡಿತರ ನೀಡದೆ ನಿಂದಿಸಿ ಕಳುಹಿಸಿರುವ ದೃಶ್ಯ ಸ್ಥಳೀಯರ ಮೊಬೈಲ್ನಲ್ಲಿ ಚಿತ್ರೀಕರಣಗೊಂಡಿದ್ದು, ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುತ್ತಿದೆ.
ಶಾಸಕ ರಾಜೇಂದ್ರ ಬಿದೂರಿ ಕ್ಷೇತ್ರದಲ್ಲಿ ಬಿಜೆಪಿ ಬೆಂಬಲಿಗ ಮಹಿಳೆಯೋರ್ವವಳು ಉಚಿತ ಪಡಿತರ ಪಡೆಯುವ ನಿಟ್ಟಿನಲ್ಲಿ ಸರತಿ ಸಾಲಿನಲ್ಲಿ ಬಂದಾಗ ಈ ಘಟನೆ ನಡೆದಿದೆ.
ಇನ್ನು ಇದೇ ವೇಳೆ ಮಹಿಳೆಗೆ ಪ್ರಶ್ನೆಗಳ ಸುರಿಮಳೆಗೈದ ಕಾಂಗ್ರೆಸ್ ಶಾಸಕ, ನಿಮ್ಮ ಮೋದಿ ಉತ್ತಮ ನಾಯಕರಾ ಅಥವಾ ನಮ್ಮ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಉತ್ತಮ ನಾಯಕರಾ ಎಂದು ಗದರಿಸಿದ್ದಾನೆ ಎನ್ನಲಾಗಿದೆ.
ಈ ವಿಡಿಯೋ ಸಾಮಾಜಿಕ ಜಾಳತಾಣದಲ್ಲಿ ಹರಿದಾಡುತ್ತಿದ್ದಂತೆ ಬಿಜೆಪಿ ಪಕ್ಷದ ವಕ್ತಾರರು, ಕಾಂಗ್ರೆಸ್ ಪಕ್ಷ ಉಚಿತ ಪಡಿತರ ನೀಡುವುದರಲ್ಲೂ ಭೇದ ಭಾವ ತೋರುತ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದೆ.
