कारगिल युद्ध ते जुड़े विवादित बयाना पर कांग्रेस प्रत्याशी प्रतिभा सिंह ए मंगी माफी

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

वीरभद्र सिंह रे बाद कांग्रेसी नेतेयां च लगी बड्डा नेता बनणे री होड़: सीएम

वीरवारा जो मुख्यमंत्री जयराम ठाकुर (Chief Minister Jairam Thakur) अपणे गृह विधानसभा क्षेत्र च सिराज च भाजपा प्रत्याशी ब्रिगेडियर खुशहाल ठाकुर लेई वोट मंगे वहीं, कांग्रेसा पर भी जमी ने निशाणे साधे. जंजैहली रे चोलथाच च चुनावी जनसभा जो संबोधित करदे होए सीएम जयराम ठाकुर ए कांग्रेसी नेतेयां जो घेरदे होए केहा कि दिवंगत वीरभद्र सिंह रे बाद कांग्रेसी नेतेआं च बड्डा नेता बनणे री होड़ लगी होई है, जिसरे बाद कांग्रेसी नेता अपणी पार्टी च बड्डा कद पाने लेई उछल कूद करने च लगे होए हन.

बंजार च सीएम ए कांग्रेस पर छड्डे शब्द बाण, बोले: मंडी जो मजबूर नी मजबूत चाहिए सांसद

उपचुनाव री तरीख नजदीक आणे रे कन्ने ही प्रदेश च प्रचार-प्रसार रा दौर शुरू होई गया है. मुख्यमंत्री जयराम ठाकुर (Chief Minister Jairam Thakur) मंडी लोकसभा सीट रे बीजेपी प्रत्याशी खुशाल सिंह ठाकुर रे समर्थन च प्रचार करने लेई पिछले कई दिनां ते मैदान च हन. बंजार विधानसभा क्षेत्र (Banjar Assembly Constituency) च जनता जो संबोधित करदे होए कांग्रेस प्रत्याशी प्रतिभा सिंह पर जमी ने हमला बोलेया. सीएम ए केहा कि मंडी जो मजबूर नी बल्कि मजबूत सांसद चाहिदां.

कारगिल युद्ध ते जुड़े विवादित बयाना पर कांग्रेस प्रत्याशी प्रतिभा सिंह ए मंगी माफी

कांग्रेस प्रत्याशी प्रतिभा सिंह ए कारगिल युद्ध जो लेई ने दिते अपणे बयाना पर माफी मंगी ली है. तिनें सोशल मीडिया पर पोस्ट पाई ने लिखेया कि यह अत्यंत दुर्भाग्यपूर्ण है कि भूतपूर्व सैनिकां जो भाजपा अपणे निजी हिता लेई इस्तेमाल करा दी है. दसी देई कि सूबे च चुनावां री सरगर्मियां रे बीच कांग्रेस प्रत्याशी प्रतिभा सिंह ए कारगिल युद्ध पर विवादित बयान दितेया था. मंडी जिले रे नाचन रे नांडी गांव च चुनावी जनसभा जो संबोधित करदे होए प्रतिभा सिंह ए कारगिल युद्धा जो छोटी लड़ाई करार दितेया था.

तुष्टिकरण री राजनीति करी ने अपणी पीठ थपथपा दी भाजपा: कुलदीप राठौर

कांग्रेस प्रदेशाध्यक्ष कुलदीप सिंह राठौर ए प्रदेश री भाजपा सरकारा पर जनता जो गुमराह करने रा आरोप लगाया है. राठौर ए केहा कि, आज प्रदेश च नशे रा कारोबार ग्रामीण क्षेत्रां तक पांव पसार चुका है. कानून व्यवस्था रा बुरा हाल है, महंगाई आसमान छूदी है, लेकिन भाजपा तुष्टिकरण रा राजनीति करी ने अपणी पीठ थपथपा दी है.

International Kullu Dussehra Festival: राज्यपाल राजेन्द्र विश्वनाथ अर्लेकर करना शुभारंभ

कुल्लू जिला प्रशासन री ओर ते किते गए प्रबंधां जो लेई ने वीरवारा जो डीसी कन्ने अध्यक्ष दशहरा उत्सव समिति आशुतोष गर्ग ए परिधि गृह कुल्लू च पत्रकार वार्ता जो संबोधित कितेया. इस दौरान तिनें जानकारी दीती कि राज्यपाल राजेन्द्र विश्वनाथ अर्लेकर (Governor Rajendra Vishwanath Arlekar) बतौर मुख्य अतिथि अटल सदन च शामी 7 बजे सात दिवसीय दशहरा उत्सव रे शुभारंभ री रस्म जो पूरा करना.

भ्रष्टाचार रे आरोपां रे चलदे बिंदल रा गया था अध्यक्ष पद, आज दूजेयां लेई मंगा दे वोट: सुक्खू

हिमाचल प्रदेश च होदे उप चुनाव च कांग्रेस कन्ने भाजपा दोनां ही इक दूजे पर जुबानी हमले करदे होए दिखाई दे दे. अर्की च वीरवारा जो कांग्रेस प्रत्याशी संजय अवस्थी रे पक्ष च जनसभा जो संबोधित करने पहुंचे कांग्रेस रे पूर्व प्रदेशाध्यक्ष सुखविंदर सिंह सुक्खू ए भाजपा रे अर्की उप चुनाव रे प्रभारी राजीव बिंदल पर तीखे प्रहार किते हन. तिनें केहा कि कोरोनाकाल च भ्रष्टाचार रे आरोपां रे चलदे तिनें अपणे अध्यक्ष पद ते इस्तीफा देना पेया कन्ने आज सैं दर-दर भटकी करी ने दूजेयां लेई वोट मंगा दे हन.

जनता रा समर्थन कांग्रेस जो मिलदा देख भाजपा च बौखलाहट: नरेश चौहान

कांग्रेस रे प्रदेश प्रवक्ता नरेश चौहान ए प्रदेश री भाजपा सरकार कन्ने बीजेपी प्रदेशाध्यक्ष पर पलटवार कितेया है. तिनें निशाणा साधदे होए केहा कि जो पार्टी खुद गुटां च बंडी होई है सैं कांग्रेस जो किस बुनियाद पर ये केहदा कि कांग्रेस रे बल नेता नी है. नरेश चौहान ए केहा कि भाजपा, कांग्रेस री चिंता न करे. तिनें सरकारा जो आड़े हाथ लेंदे होए केहा कि, सरकार रे बल कोई मुद्दा ही नहीं है इसलिए भाजपा सेना रे नामा पर चुनाव लड़ा दी है.

Fake Degree Scam: मगध यूनिवर्सिटी ते जुड़ेया फर्जी डिग्रियां रा मामला, 3 साल बाद हुण चार्जशीट री तैयारी

प्रदेश रे अलग-अलग जिलेयां ते संबंधित करीब 17 लोकां री डिग्रियां जो लेई ने जांच चला दी है. 2019 च ये मामला दर्ज होआ था. इनां 17 लोकें शिक्षा विभाग च इस डिग्री रे आधारा पर नौकरी प्राप्त की थी. जिस च कुछ अभी भी नौकरी कर रहे हैं, जबकि कई लोक रिटायर होई चुके हन. ऐसे च हुण जांच पूरी होणे पर मनेया जादा कि हमीरपुर कोर्ट च चार्जशीट विजिलेंसा छोड़ ही दायर करनी. हुण संभावना जताई जादी है कि विजिलेंस री एफआईआर दर्ज होणे रे कन्ने ही फर्जी डिग्रियां रे सहारे नौकरियां हासिल करने आले सरकारी कर्मचारियां री बर्खास्तगी होणी. हालांकि इसते पहले मार्च 2018 च भी विजिलेंस टीम बिहार री मगध यूनिवर्सिटी च फर्जी डिग्रियां री जांच करी चुकी है.

BILASPUR: शारदीय नवरात्रि रे लास्ट दिन दुर्गा पूजन च उमड़ी भीड़

जिला बिलासपुर च नगर अराध्य देव बाबा नाहर सिंह मंदिर परिसर च शारदीय नवरात्रेयां रे पर्व पर हवन रे बाद कंजक पूजन रा आयोजन कितेया गया. वीरवारा जो विशेष ओलंपिक राष्ट्रीय भारत री उपाध्यक्षा डॉ. मल्लिका नड्डा ए विभिन्न समुदायां री 31 बेटियां रा कंजक पूजन करी ने समाज च समरसता रा संदेश दितेया. इस अवसरा पर मल्लिका नड्डा ए बेटियां री पूजा अर्चना कीती कन्ने तिनां जो उपहार दितेया कन्ने ही बच्चियां रे पैरां च शीश नवाई ने विश्व री सुख समृद्धि रा आशीर्वाद प्राप्त कितेया.

9 सालां ते फरार चला दा उद्घोषित अपराधी मंडी पुलिस री पीओ सेल टीम ए दिल्ली ते दबोचेया

मंडी पुलिस री पीओ सेल टीम ए बल्ह थाना च दर्ज इक दुर्घटना मामले च भगौड़े चला दे इक व्यक्ति सुमित जो दिल्ली रे किशनगंज ते हिरासत च लितेया है. मामला न्यायिक दंडाधिकारी प्रथम श्रेणी कोर्ट नंबर-4 मंडी रे न्यायालय च विचाराधीन था कन्ने आरोपी लगातार पेशियां ते गैर हाजिर रहता था. इस पर कोर्ट ए आरोपी जो 2012 च उद्घोषित अपराधी घोषित करी दितेया था.