અમદાવાદઃ નવા વાળજમાં વહેલી સવારે મતદાન મથકે પહોંચ્યા લોકો

અમદાવાદ: આજે રવિવારે મહાનગરપાલિકામાં સ્થાનિક સ્વરાજની ચૂંટણી માટે મતદાન થઈ રહ્યું છે. વહેલી સવારથી જ મતદાન કેન્દ્રો ઉપર મતદાતાઓ પહોંચી રહ્યા છે. લોકશાહીની સૌથી મોટી સુંદરતા અહીં અમદાવાદના નવા વાળજમાં જોવા મળી રહી છે કે જ્યા યુવાનોની સાથોસાથ સિનિયર સિટીઝન પણ મતદાન મથકે પહોંચી પોતાનો અધિકાર અને ફરજ બને નિભાવી રહ્યા છે. આવા જ એક સિનિયર સિટીઝન ગોવિંદભાઈ ઝાલા કે જેવો 80 વર્ષના છે. તેઓ ગાંધી આશ્રમ ખાતે આવેલી મમતા સંચાલિત શાળામાં પહોંચી મતદાન કર્યું હતું.