વડોદરાના શિનોર ખાતે કોટન જીનિંગમાં લાગી ભીષણ આગ

વડોદરા : ડભોઈ નજીક આવેલા શિનોર ખાતે ગોપાલ ઈન્ડસ્ટ્રીઝ કોટન જીનિંગમાં સાંજના સમયે અચાનક ભીષણ આગ લાગતાં નાસાભાગ મચી હતી. આ સમગ્ર બનાવને પગલે ઘટના સ્થળે ગ્રામજનોના ટોળેટોળાં ઉમટ્યા હતા અને પાણીનો મારો ચલાવી આગ પર કાબુ મેળવવાનો પ્રયાસ કર્યો હતો. જોકે, આગે એકાએક વિકરાળ સ્વરૂપ ધારણ કરી લેતાં આગ પર કાબુ મેળવવો મુશ્કેલ બન્યો હતો. આ આગને લઇ જીનિંગમાં લાખો રૂપિયાનું નુકશાન થયું છે. આ સમગ્ર બનાવને લઇ પોલીસે આગળની તપાસ હાથ ધરી છે.