ભાજપના ઉમેદવારે સભા યોજીને ઉમેદવારી પત્ર વિજય મુહૂર્તમાં ભર્યું

પાટણ ચાણસ્મા વિધાનસભા બેઠક (Patan assembly seat) પર જૂના જનસંઘી અને પૂર્વ કેબિનેટ પ્રધાન દિલીપ ઠાકોરને ભાજપે સતત છઠ્ઠી  વાર ટિકિટ આપી છે. જેને લઈને તેઓએ હારીજ ખાતે જાહેર જંગી સભા યોજી પોતાના ટેકેદારો (Chanasma Assembly seat Candidate) સાથે સમી પ્રાંત કચેરી ખાતે ઉમેદવારી પત્ર વિજય મુહૂર્તમાં ભર્યું હતું. ચાણસ્મા વિધાનસભા સીટના ઉમેદવાર દિલીપજી ઠાકોરે ઉમેદવારી પૂર્વે હારીજ જગદંબા જીનીંગ ખાતે જંગી જાહેર સભા યોજાઈ હતી. જેમાં પ્રદેશ ભાજપના પ્રમુખ સી.આર. પાટીલ ઉપસ્થિત રહ્યા હતા. સભા પૂર્ણ કર્યા બાદ દિલીપ ઠાકોર (Dilip Thakor in Chanasma) અને તેમના સમર્થકો રેલી યોજી સમી પ્રાંત કચેરી ખાતે પહોંચ્યા હતા. જ્યાં પ્રાંત અધિકારી સમક્ષ પોતાનું ઉમેદવારી પત્ર શુભ મુહૂર્તમાં ભર્યું હતું. આ પ્રસંગે ભાજપના આગેવાનો તેમજ કાર્યકરો મોટી સંખ્યામાં હાજર રહ્યા હતા. (Gujarat Assembly Election 2022)