નાનાપોન્ડાથી કપરાડાને જોડનાર મુખ્ય માર્ગ પર આવેલા કુંભઘાટમાં અવારનવાર અકસ્માતો સર્જાતા જોવા મળે છે. બે દિવસ પહેલાં જ એક ટ્રકે પલટી મારી હતી. જેમાં ડ્રાઈવરનો બચાવ થયો હતો.
મંગળવારે કુંભઘાટમાં એક સિવિલ કોન્ટ્રાકટર પોતાની બાઈક લઈને જઈ રહ્યો હતો, ત્યારે સામેથી આવતા ટ્રકે ટક્કર મારતા બાઇકચાલક રોડ ઉપર પટકાયો હતો અને ટ્રકનું પાછળનું ટાયર બાઈક ચાલકો પરથી ફરી વળતા તેનું ઘટના સ્થળે જ મોત નીપજ્યું હતું.
અચાનક બનેલી ઘટનાને પગલે માર્ગમાંથી પસાર થતા વાહનચાલકો એકત્ર થઇ ગયા હતા અને મૃતકની ઓળખ માટે તેની પાસેના કેટલાક જરૂરી કાગળો તપાસ્યા હતા. જેમાં મૃતક યુવકની ઓળખ કાશીનાથભાઈ પાગી તરીકે કરવામાં આવી તથા મૃતક કડીયા કામ કરી ગુજરાન ચલાવતો હોવાનું જાણવા મળ્યું છે.
મૃતકના પરિવારને ઘટનાની જાણ થતા તેઓ ઘટના સ્થળે દોળી આવ્યા હતા. મૃતકની દેહને પોસ્ટમોર્ટમ કરવા કપરાડા સરકારી હોસ્પિટલમાં ખસેડવામાં આવ્યો હતો. કપરાડા પોલીસે ટ્રકચાલક સામે ગુનો નોંધી આગળની તપાસ હાથ ધરી છે.
