મુખ્યપ્ર ધાનની હાજરીમાં આજે અનેક સામાજિક અને સાંસ્કૃતિક કાર્યક્રમો યોજાયા હતા. આ સમયે શહેરના કાલાવાડ રોડ પર ગુજરાત સરકાર સામાજિક ન્યાય અને અધિકારીતા વિભાગ તથા જિલ્લા વહીવટી તંત્ર રાજકોટ દ્વારા દિવ્યાંગ મિલન સમારંભનું આયોજન કરવામાં આવ્યું હતુ.
દિવ્યાંગ બાળકે મુખ્ય પ્રધાનને ભેટીને અભિવાદન કરતાં અનોખા દ્રશ્ય સર્જાયા
આ કાર્યક્રમમાં મુખ્ય પ્રધાન રૂપાણી દ્વારા દિવ્યાંગ બાળકોને કીટનું વિતરણ કરવામાં આવ્યું હતુ. દરમિયાન સ્ટેજ પર દિવ્યાંગ બાળકે લાગણીમાં આવી CMનું અલગ જ રીતે અભિવાદન કર્યું હતુ. જેના કારણે કાર્યક્રમમાં અને સ્ટેજ પર થોડા સમય માટે હાસ્યનું મોજું ફરી વળ્યું હતુ. કાર્યક્રમ દરમિયાન દિવ્યાંગ બાળકોએ અનેક ગીતો પર પર્ફોમન્સ કર્યું હતુ. મુખ્ય પ્રધાનના જન્મદિને જ તેમને આ રીતે ભેટીને અભિવાદન કરાતાં જાણે તેમને એક દિવ્યાંગ બાળક દ્વારા અનોખી ભેટ આપવામાં આવી હોય તેમ જણાઈ રહ્યું હતુ.
