રાજકોટનું નામ સ્માર્ટસિટીની સાથે ગુનાઓમાં પણ આગળ વધી રહ્યું છે. ત્યારે રાજકોટની તાલુકા પોલીસે શહેરના અલગ-અલગ વિસ્તારમાં ચીલ ઝડપ કરતા કુલ પાંચ જેટલા ઇસમોને CCTV કેમેરાના આધારે ઝડપી પાડ્યા છે. આ ઈસમો સમડી ગેંગના છે અને શહેરમાં અલગ-અલગ પોલીસ મથકના વિસ્તારમાં 25થી પણ વધારે ચોરી કરી છે. ઈસમો ચીલ ઝડપ કરીને સોનાના ચેઇન અને આભૂષણોને સોની વેપારીઓને વહેંચતા હતા.
રાજકોટ તાલુકા પોલીસે ચિલ ઝડપ કરતી સમડી ગેંગ ઝડપી પાડી
આ સમગ્ર બાબતને લઇને પોલીસે સોની વેપારીઓની પણ પૂછપરછ હાથ ધરી છે. આ ઝડપાયેલા આરોપીમાંથી શક્તિ ઉર્ફે ટબુડી સોલંકી નામના ઈસમ વિરૂદ્ધ અલગ-અલગ પોલીસ મથકમાં કુલ 36 જેટલા ગુનાઓ નોંધાયા છે. જ્યારે કેટલીક ચીલ ઝડપની ઈસમો દ્વારા કબૂલાત પણ આપવામાં આવી છે. હાલ પોલીસ દ્વારા ઇસમોની સઘન પૂછપરછ શરૂ છે.
