રાજકોટઃ આજે આપ કાર્યકર્તાઓ શહેરના બહુમાળી ચોક ખાતે પહેલાં એકઠા થવાનાં હતાં અને ત્યાંથી બેનર્સ સાથે સૂત્રોચ્ચાર કરવાના હતાં. પરંતુ આપના કાર્યકર્તાઓ એકઠા થતાં તેમની રાજકોટ પોલીસ દ્વારા અટકાયત કરવામાં આવી હતી જેથી કાર્યકર્તાઓ આવેદનપત્ર આપી શક્યાં નહોતાં.
ઉલ્લેખનીય છે કે વર્તમાન સમયમાં કોરોનાની મહામારીમાં લોકડાઉન હોવાના કારણે મોટાભાગના કામધંધા બંધ રહ્યાં હતાં અને લોકોની રોજગારી પણ બંધ હતી જેને લઈને આમ આદમી પાર્ટી દ્વારા સરકાર સમક્ષ હાલ વિવિધ સ્કૂલોની ફી માફી માટે આંદોલન ચલાવવામાં આવી રહ્યું છે. જેને લઈને આજનો કાર્યક્રમ પણ યોજવામાં આવ્યો હતો.
રાજકોટમાં આપના કાર્યકર્તાઓ ફી મામલે આવેદનપત્ર આપે તે પહેલાં જ કરાઈ અટકાયત
