મહીસાગર: જિલ્લામાં કોરોના સંદર્ભની આરોગ્યલક્ષી કામગીરીના નિરીક્ષણ માટે શનિવારે જિલ્લા વિકાસ અધિકારી નેહા કુમારીએ સરસવા, મુનપુર અને ડીટવાસના સામુહિક અને પ્રાથમિક આરોગ્ય કેન્દ્રોની તેમજ કડાણા ખાતે કાર્યરત કોવિડ કેર સેન્ટરની મુલાકાત લીધી હતી. મુલાકાત દરમિયાન સંબંધિતો સાથે કોરોના સંદર્ભે રાખવાની સાવચેતી માટેના અનેક પગલાં માટે ચર્ચા વિચારણા કરી કોરોના સંક્રમણથી કેવી રીતે બચી શકાય તે અંગે વિસ્તૃત સમજ આપી હતી.
તેમણે આરોગ્ય ટીમ દ્વારા થયેલા જમીનસ્તરની કામગીરીનું નિરીક્ષણ કરી જરૂરી સલાહ સૂચન સાથે માર્ગદર્શન પણ આપ્યું હતું. જિલ્લા વિકાસ અધિકારીની મુલાકાત સમયે તેમની સાથે નાયબ જિલ્લા વિકાસ અધિકારી અને મુખ્ય જિલ્લા આરોગ્ય અધિકારી પણ સાથે રહ્યા હતા.
