જામનગર મહાનગર પાલિકા દ્વારા ફાયર ઓફિસર કમ ડ્રાઇવરની હંગામી જગ્યાઓ માટેની ભરતીની જાહેરાત આપવામાં આવી હતી. જેને પગલે અરજદારો ભરતી પ્રક્રિયામાં જોડાવા આવ્યા હતા. ફાયરમેનની આ 16 જગ્યાઓ માટે આવેલા અરજદારો પાસે હેવી લાઇસન્સ માટેની માગ કરવામાં આવી હતી. જે ન હોવાના પગલે અરજદારોને ભરતીની પ્રક્રિયામાં સામેલ થવા દેવામાં આવ્યા ન હોતા. જેને પગલે અરજદારોએ હોબાળો મચાવ્યો હતો.
મહત્વનું છે કે, સમગ્ર ભરતી પ્રક્રિયા જામનગર મહાનગરપાલિકા દ્વારા હાથ ધરવામાં આવી છે. જેમાં 80 જેટલા યુવાનોએ ભરતીની પ્રક્રિયાનો વિરોધ કર્યો છે. એક બાજુ જામનગર મહાનગરપાલિકા દ્વારા ભરતી માટેના નિયમો બનાવ્યા છે તે હાસ્યાસ્પદ છે. કારણ કે, હેવી લાયસન્સ 18 વર્ષની ઉંમરે નહી પણ 22 વર્ષની ઉંમરે નિકળે છે. તો જાહેરાતમાં પણ 18 થી 25 વર્ષની વય મર્યાદા વાળાને આ ભરતીમાં સામેલ થવા માટેની જાહેરાત આપવામાં આવી હતી.
શહેરમાં આવેલી સ્પોર્ટસ સંકુલ ખાતે વહેલી સવારથી જ લગભગ 150 જેટલા યુવાનો ભરતી થવા માટે આવ્યા હતા. જો કે આ યુવકોએ ભરતી પ્રક્રિયામાં જે નિયમો બનાવવામાં આવ્યા છે તેનો વિરોધ કર્યો છે.
સમગ્ર ભરતી પ્રક્રિયામાં જામનગર મહાનગરપાલિકાના ડેપ્યુટી કમિશનર કુંભારાણા, ચીફ ફાયર ઓફિસર બિસ્નોઇ, અને SSBના જવાનો પણ હાજર રહ્યા હતા.
આ ભરતી પ્રક્રિયામાં યુવાનોને વિવિધ શારીરિક કસોટી તેમજ સ્વિમિંગ તથા લાયસન્સ અને ડોક્યુમેન્ટ ચેક કરવામાં આવ્યા છે. જો કે નારાજ થયેલા યુવકોએ ફરી ભરતી યોજાઈ તેવી રજૂઆત ડેપ્યુટી કમિશનર કુંભારાણાને કરી છે. આ ભરતીની પ્રક્રિયામાં સામેલ થવા આવેલા યુવાનો ઉના, તેમજ કોડીનારથી આવ્યા હતા.
