મોડાસામાં મિલ્કતવેરો ન ભરતા બાકીદારો સામે નગરપાલિકા કરશે કાર્યવાહી

અરવલ્લીઃ મોડાસા નગરપાલિકામાં મિલકત વેરાની ત્રણ કરોડથી વધુ રકમ વસૂલવાની બાકી છે. આ સંજોગોમાં મોડાસા નગરપાલિકા દ્વારા વેરા વસુલાત માટે કમર કસવામાં આવી રહી છે અને નગરપાલિકાએ મિલકત વેરો ન ભરતા બાકીદારોને નોટિસ પાઠવી બાકી રકમ ભરવા સૂચના આપી છે.

જે કે કેટલાય બાકીદારોએ હજુ સુધી મિલકત વેરો જમા કરાવ્યો નથી. હવે જો તેઓ દ્વારા મિલકત વેરો નિયત સમયમાં ભરવામાં નહીં આવેતો નગરપાલિકા અધિનિયમ મુજબ મિલકતની હરાજી કરવામાં આવશે તેવી ચેતવણી પણ આપવામાં આવી છે. હાલ સુધીમાં મોડાસા નગરપાલિકામાં મિલકત વેરાના રૂપિયા 6.95 કરોડ સામે ચાર કરોડની આસપાસ વસૂલાત થઈ શકી છે.