અમદાવાદ: અમદાવાદ પોલીસે અત્યાર સુધીના લોકડાઉન દરમિયાન 9410 ગુન્હા નોંધી 17,128 લોકોની અટકાયત કરી છે. આ ઉપરાંત પોલીસ દ્વારા સતત લોકડાઉનનું પાલન કરાવવા સતત પેટ્રોલીંગ, ડ્રોન દ્વારા નજર, કંટ્રોલ રૂમમાં મળતા કોલ, વૉટ્સએપ પરત મેસેજ દ્વારા કાર્યવાહી કરવામાં આવી રહી છે.
સોશિયલ મીડિયા પર પણ ખોટી અફવા કે મેંસેજ કરનાર સામે પણ સાયબર ક્રાઈમ દ્વારા કાર્યવાહી કરવામાં આવી રહી છે. બિનજરૂરી વાહન લઈને બહાર જતા સામે પણ પોલીસ દ્વારા કડક રીતે કાર્યવાહી કરવામાં આવી રહી છે. જેમાં એક જ દિવસમાં 882 વાહનો જપ્ત કરવામાં આવ્યા છે અને 1,43,000 રૂપિયાનો દંડ વસુલવામાં આવ્યો છે.લોકો રેડ ઝોનમાંથી ઓરેન્જ ઝોનમાં ના જાય અને ઓરેન્જ ઝોન વાળા ગ્રીન ઝોનમાં ના જાય તેનું પણ ધ્યાન રાખવામાં આવી રહ્યું છે.
