- બોલિવુડ અભિનેત્રી હુમા કુરૈશી( Huma Qureshi)નો આજે 35મો જન્મદિવસ
- હુમાએ બોલિવુડમાં પોતાના બોલ્ડ લુક અને અભિનયથી બનાવી અલગ જગ્યા
- બોલિવુડના મોટા ભાગના કલાકારોએ આપી જન્મદિવસની શુભેચ્છા
અમદાવાદઃ બોલિવુડની અભિનેત્રી હુમા કુરૈશી( Huma Qureshi)નો આજે 35મો જન્મદિવસ છે. હુમાએ પોતાના વિશેષ અભિનયથી બોલિવુડમાં એક અલગ જ જગ્યા બનાવી છે. હુમાએ 'ગેંગ ઓફ વાસેપુર' ફિલ્મથી બોલિવુડમાં ડેબ્યુ કર્યું હતું. હાલમાં જ હુમાની વેબસિરીઝ 'મહારાની' લોન્ચ થઈ છે, જેના ચારે તરફ વખાણ થઈ રહ્યા છે. હુમા બોલિવુડની સાથે સાથે હોલિવુડના પણ અનેક પ્રોજેક્ટ્સમાં કામ કરી રહી હોવાની માહિતી મળી રહી છે. વર્ષ 2012માં આવેલી ફિલ્મ 'ગેંગ ઓફ વાસેપુર'એ હુમાનું જીવન બદલી નાખ્યું હતું. ત્યારબાદ હુમા એક થી ડાયન, બદલાપુર, જોલી એલએલબી 2, દેઢ ઇશ્કિયા, લવ શવ તે ચિકન ખુરાના, જેવી અનેક ફિલ્મોમાં ચમકી હતી. હુમા સોશિયલ મીડિયા પર પણ ઘણી એક્ટિવ રહે છે. ત્યારે આજે તેણે તેના જન્મદિવસ નિમિત્તે તેની આગામી ફિલ્મ મોનિકા ઓ માય ડાર્લિંગમાં તેનો ફર્સ્ટ લુક શેર કર્યો હતો.
આ પણ વાંચો : અભિનેતા અર્જુન કપૂરે ઈન્સ્ટાગ્રામ પર શેર કર્યો જૂનો ફોટો, માતાએ આપેલો સંદેશ લોકોને જણાવ્યો
વર્ષ 2012માં મળેલી ફિલ્મથી હુમાની કિસ્મત ચમકી
હુમા કુરૈશીનો જન્મ 28 જુલાઈ 1986ના રોજ નવી દિલ્હીમાં થયો હતો. હુમાએ દિલ્હી યુનિવર્સિટીના ગાર્ગી કોલેજમાં હિસ્ટ્રી ઓનર્સની ડિગ્રી મેળવી છે. તે દરમિયાન જ તેણે થિએટર જોઈન કરી લીધું હતું. હુમાએ એક NGO સાથે પણ કામ કર્યું હતું અને એક ડોક્યુમેન્ટરી ફિલ્મમેકરની આસિસ્ટન્ટ પણ હતી. વર્ષ 2008માં હુમા મુંબઈ આવી હતી. તે દરમિયાન એક મોબાઈલની જાહેરાતના શૂટિંગમાં ફિલ્મમેકર અનુરાગ કશ્યપ સાથે મુલાકાત થતા તેણે હુમાને વર્ષ 2012માં આવેલી ફિલ્મ 'ગેંગ્સ ઓફ વાસેપુર' માટે સાઈન કરી હતી. આ ફિલ્મમાં હુમા સપોર્ટિવ રોલમાં હતી.
આ પણ વાંચો : દિગ્ગજ અભિનેત્રી પૂનમ ધિલ્લોને વેબસિરીઝ કે શૉમાં કરી શકે છે એન્ટ્રી, ઈન્સ્ટાગ્રામ પર વીડિયો શેર કરી આપી હિન્ટ
