આ મામલે ફૂડ સેફટી ઍન્ડ સ્ટાન્ડર્ડ ઍક્ટ અંતર્ગત દરેક ખાદ્ય સામગ્રીનું ઉત્પાદન, સંગ્રહ, વેચાણ અને પરિવહન કરનારને ફૂડ લાયસન્સ લેવું ફરજિયાત છે. તેમજ નવા કાયદા મુજબ ખાદ્ય સામગ્રીનું માત્ર ટ્રાન્સપોર્ટેશન કર્તા ધંધાર્થીઓએ પણ ફૂડ લાયસન્સ લેવું જરૂરી છે.
રાજકોટમાં છેલ્લા છ માસથી ઝોમેટો અને સ્વિગી કંપની દ્વારા સમગ્ર શહેરમાં ઘર-ઘર સુધી ફૂડ સામગ્રી પહોંચાડવામાં આવી રહી છે. જેને લઈને આ બન્ને કંપનીઓ પાસે ખાદ્ય સામગ્રીના ટ્રાન્સપોર્ટેશન માટેનું લાયસન્સ હોવું જરૂરી હોવાના પગલે, રાજકોટ મહાનગરપાલિકાના આરોગ્ય વિભાગ દ્વારા બન્ને કંપનીઓને લાઇસન્સ રજૂ કરવા માટે નોટિસ પાઠવવામાં આવી છે.
