ભાજપે ઉમેદવારી પસંદગીમાં 44 સમાજને પ્રતિનિધિત્વ આપ્યું : આઈ.કે.જાડેજા

સ્થાનિક સ્વરાજ્યની ચૂંટણી અંતર્ગત અમદાવાદ મહાનગરપાલિકાની ચૂંટણીની તૈયારીઓ પુર જોશમાં ચાલી રહી છે ત્ચારે અમદાવાદ શહેરમાંં ભાજપનું પ્રતિનિધિત્વ કરતાં આઈ. કે. જાડેજાએ ભાજપના ઉમેદવારોની પસંદગીને લઈ સ્પષ્ટતા કરી હતી.

• પરપ્રાંતના લોકોનું પણ પ્રતિનિધિત્વ
• અનુભવી સાથે યુવા લોહીનો મેળ
• AMCની ચૂંટણીમાં ઉમેદવારી પસંદગીમાં ભાજપનો સમાજવાદ
  

અમદાવાદ: ભારતીય જનતા પાર્ટી દ્વારા સ્થાનિક સ્વરાજની ચૂંટણી અંતર્ગત અમદાવાદ મહાનગરપાલિકાની ચૂંટણીની તૈયારીઓ પુર જોશમાં ચાલી રહી છે. શુક્રવારથી વિધિવત રીતે ભાજપ પ્રદેશ દ્વારા ચૂંટણી પ્રચારની કામગીરી શરૂ કરી દેવામાં આવી છે. શુક્રવારે ભારતીય જનતા પાર્ટીએ અમદાવાદ મહાનગરપાલિકાની ચૂંટણીમાં પસંદ કરેલા 192 ઉમેદવારના સામાજિક ઘટકો જણાવ્યા હતા.

અમદાવાદમાં વસતા પરપ્રાંતીય સમાજના પ્રતિનિધિત્વ માટે 15 ઉમેદવાર
અમદાવાદ શહેરના ભાજપના સ્થાનિક સ્વરાજની ચૂંટણીના ઇન્ચાર્જ આઇ. કે. જાડેજાએ જણાવ્યું હતું કે, ભાજપે વિવિધ જ્ઞાતિઓ તેમજ વિશિષ્ટ વ્યક્તિઓ મળીને 44 સમાજના પ્રતિનિધિત્વને ટિકિટો આપી છે. જેમાં અનુસૂચિત જાતિના 36 ઉમેદવાર અનુસૂચિત જનજાતિના 02 ઉમેદવાર, બક્ષીપંચ સમાજના 44 ઉમેદવાર, પરપ્રાંતના 15 ઉમેદવાર તથા અન્ય સમાજો સાથે મળીને 192 ઉમેદવારોનો સમાવેશ કરવામાં આવ્યો છે. પરપ્રાંતીય સમાજમાંથી 15 ઉમેદવારમાંથી રાજસ્થાનના 5, મધ્યપ્રદેશના 3, ઉત્તર પ્રદેશના 04, મહારાષ્ટ્રના 01, દક્ષિણ ભારતના 01 તથા બિહારના 01 ઉમેદવારને સ્થાન આપવામાં આવ્યું છે.

ઉમેદવારોની શૈક્ષણિક લાયકાતઆઈ. કે. જાડેજાએ જણાવ્યું હતું કે, આ ઉમેદવારોમાં અનુસ્નાતક કક્ષાનો અભ્યાસ કરેલા હોય તેવા 12 ઉમેદવાર, સ્નાતકનો અભ્યાસ કરેલા હોય તેવા 59 ઉમેદવાર, LLBની ડિગ્રી ધરાવતા 17 ઉમેદવાર, ડોક્ટરની ડિગ્રી ધરાવતા 02 ઉમેદવાર, એન્જિનિયરની ડિગ્રી ધરાવતા 04 ઉમેદવાર, PhDની ડિગ્રી ધરાવતો 01 ઉમેદવાર , CAની ડિગ્રી ધરાવતો 01 ઉમેદવાર, ફેશન ડિઝાઈનરની ડિગ્રી ધરાવતો 01 ઉમેદવાર, PTCની ડિગ્રી ધરાવતા 02 ઉમેદવાર, ITIનું સર્ટિફિકેટ ધરાવતા 03 ઉમેદવાર, ICAની ડીગ્રી ધરાવતા એક ઉમેદવાર અને પત્રકારત્વના એક ઉમેદવાર એમ ઉચ્ચ શિક્ષણ ધરાવતા ઉમેદવારોને સ્થાન આપવામાં આવ્યું છે.ઉમેદવારોનું વયજુથ મર્યાદાની વાત કરવામાં આવે તો 20થી 30 વર્ષના વાયજુથમાં 11 ઉમેદવારો છે, 31થી 40 વર્ષના વયજુથમાં 28 ઉમેદવારો અને 41થી 50ના વયજુથમાં 78 ઉમેદવારો આવે છે, જ્યારે 51થી 59ના વર્ષના દાયરામાં 75 ઉમેદવારો આવે છે.