જયપુરઃ રાજસ્થાનમાં સરકાર પર સંકટ એક રાજકીય બેબ સીરિજ જેવું થઈ ગયું છે, જેમાં નવા નવા એપિસોડ જોડાતા જ જાય છે. રાજનીતિક ડ્રામામાં પાયલટ બગાવતની કહાનીનો કોંગ્રેસની શરતોને આધીન ત્યારે સુખદ અંત આવ્યો જ્યારે તમામ બળવાખોરો સુરક્ષિત પરત ફર્યા અને સરકાર પડતા પડતા બચી ગઈ. પરંતુ હવે નવા એપિસોડમાં અવું લાગી રહ્યું છે કે પાયલટ જે શરતોને આધારે પરત ફર્યા હતા તે શરતોનો ગેહલોત સરકારે અમલ કર્યો નથી.
મુખ્યપ્રધાન અશોક ગેહલોતે ફરી એક વાર ભાજપ સરકાર પર તેમની સરકાને અસ્થિર કરવાની સાજિશના આક્ષેપ કર્યા છે. પંરતુ રાજકીય વિશ્લષકોને એવું લાગે છે કે આ આક્ષેપ પાછળ ખુદ ગેહલોત સરકાર નાકામ રહી હોય તેવું પણ બની શકે.
શનિવારે અશોક ગેહલોતે એક વર્ચુઅલ ઉદ્ઘાટનમાં અમિત શાહ પર નિશાન સાધતાં કહ્યું હતું કે અગાઉ ગૃહપ્રધાને કોંગ્રેસના બળવાખોર ધારાસભ્યો સાથે એક કલાક વાત કરી તેમને લાલચ આપી હતી. જોકે આ પહેલા પણ અશોક ગેહલોત શાહ પર આક્ષેપ કરી ચુક્યા છે કે શાહ બિન બાજપ સરકારને અસ્થિર કરવા માટે ષડયંત્ર કરે છે. મહારાષ્ટ્રમાં પણ ભાજપ સત્તા માટે ષડયંત્રમાં લાગી છે.
સમાધાન અને તકરારનું કારણ
ગેહલોતના આ નિવેદન પરથી સ્પષ્ટ થાય છે કે રાજસ્થાનમાં કોંગ્રેસ અંદર ઓલ ઈજ વેલ વાળી સ્થિતિના દાવા પોકળ છે. છેલ્લા કેટલાક મહિનાઓમાં પાર્ટીમાંથી બળવો કરનારા પાઇલટે ગેહલોત સાથે સમાધાન કરી લીધું હતું, પરંતુ જે શરતો પર પાઇલટ્સ પાર્ટીમાં પાછા ફર્યા છે તેના પર ગેહલોત સરકાર કે કોંગ્રેસ હાઈકમાન્ડે કોઈ કામ કર્યુ છે કે નહી તેના પર શંકા છે.
રાજસ્થાનમાં કોંગ્રેસની લડાઈ મુખ્યપ્રધાનના પદ માટે થઈ રહી છે, એ વાત પણ જાહેર છે કે કોંગ્રેસ ગેહલોત અને પાયલટ એમ બે ભાગમાં વહેંચાઈ ગઈ છે. બગાવત છોડી પાર્ટીમાં પરત ફર્યાના 4 મહિના બાદ પણ અત્યાર સુધીમાં સચિન પાયલટને કોઈ પણ પદ મળ્યું નથી અને તે ધારાસભ્યનો પણ કોઈ પદ નથી મળ્યું જે પોતાની પ્રતિષ્ઠા અને પદ બંને ગુમાવી ચુક્યા છે. સ્થિતિ એવી છે કે જ્યારે વિશ્વેન્દ્રસિંહ અને રમેશ મીના મંત્રીમંડળના પદો પર ગયા ત્યારે મુકેશ ભાકરને યુથ કોંગ્રેસના પ્રમુખ અને રાકેશ પરીકનો સેવા દળ પ્રમુખ પદ ગુમાવવો પડ્યું હતુ, હાલમાં તેઓ હાંસિયામાં છે. બાકીના કેટલાક ધારાસભ્યોને પંચાયતી રાજની ચૂંટણીઓ અને બોડી ચૂંટણીમાં સુપરવાઈઝર તરીકેની જવાબદારી સોંપવામાં આવી હશે, પરંતુ પાસે કરવા માટે કંઈ ન નહોતું.
ગેહલોતનો મંત્રીમંડળના વિસ્તરણમાં વિલંબ
નોંધનીય છે કે સચિન પાયલોટ, રમેશ મીના અને વિશ્વેન્દ્ર સિંહને ગેહલોત કેબિનેટના પદ પરથી કાઢી મૂક્યા બાદ અને પ્રધાન માસ્ટર ભંવરલાલ મેઘવાલના નિધન બાદ ગેહલોત સરકારમાં મુખ્યપ્રધાન સહિત કુલ 21 પ્રધાનો છે. જેમાં 9 પ્રધાનોનો સમાવેશ થઈ શકે તેમ છે. ગેહલોત કેબિનેટમાં સ્થાન મેળવ્યા પછી પણ મંત્રીમંડળના અત્યાર સુધી વિસ્તરણ પાછળનું કારણ એ છે કે ગેહલોત નથી ઈચ્છતા કે બરતરફ કરાયેલા પ્રધાનોને ફરીથી કેબિનેટમાં જગ્યા મળે. ગેહલોત તે ધારાસભ્યોને પણ કેબિનટમાં સ્થાન આપવા નથી માગતા જે તેમના નારાજ થઈ પાયલટ સાથે ગયા હતાં. મંત્રીમંડળના વિસ્તરણમાં વિલંબ થવાનું એક કારણ એ પણ છે કે ગહલોત સતત જે ધારાસભ્યોનો ઉલ્લેખ કરતા રહ્યા છે, જેઓ સરકારને હટાવવાના ભાજપના ષડયંત્રનો ભાગ છે, તો તેને કેમ કેબિનેટમાં સ્થાન આપે.
રાજનીતિક અંકગણિત
રાજકીય અંકગણિત વિશે વાત કરીએ તો બસપાના ધારાસભ્યોના કોંગ્રેસમાં ભળી ગયા બાદ કોંગ્રેસના ધારાસભ્યોની સંખ્યા 107 થઈ ગઈ હતી. 19 ધારાસભ્યોની બળવો થતાં આ સંખ્યા 88 પર આવી ગઈ છે. જેમાં 10 અપક્ષ, 2 બીટીપી, 1 આરએલડી અને 2 સીપીએમ ધારાસભ્યો ઉમેરીને સંખ્યા 103 કરી દેવામાં આવી હતી. જો કે, જ્યારે બંને બળવાખોરો સાથે ભેગા થયા હતા, ત્યારે બહુમત સાબિત કરવામાં ગેહલોતને કોઈ મુશ્કેલીનો સામનો કરવો પડ્યો ન હતો, પરંતુ કોંગ્રેસના બે ધારાસભ્યો કૈલાસ ત્રિવેદી અને માસ્ટર ભંવરલાલ મેઘવાલના નિધન પછી પાર્ટીના સભ્યોની સંખ્યા પહેલેથી જ ઓછી થઈ ગઈ છે.
ગેહલોત વગર રાજસ્થાન અધુરું
કોંગ્રેસના રાષ્ટ્રીય અધ્યક્ષ કોણ હશે તેને લઈ હજી પણ સસ્પેંસ છે. એવામાં એક વાત એ પણ કહેવામાં આવી રહી છે કે વર્તમાન સ્થિતિમાં ગેહલોતથી વિશ્વનીય નેતા કોંગ્રેસ અને ગાંધી પરિવાર પાસે નથી, જે આ પદ સંભાળી શકે. પરંતુ ગેહલોત ખુદ રાજસ્થાનમાં રહેવા માગે છે. એવામાં તેમણે કોંગ્રેસ પાર્ટીને સંકેત પણ આપી દીધો છે કે તેમના વગર રાજસ્થાનમાં સરકાર ન ચાલી શકે. ભાજપ ષડયંત્ર કરી તેને પાડી દેશે.
