મુંબઈ: પાન ઈન્ડિયાના સુપરસ્ટાર રજનીકાંતની 'થલાઈવર 171' મોસ્ટ અવેટેડ ફિલ્મોમાંથી એક છે. ચાહકો દરેક અપડેટની રાહ જુએ છે. તેની કાસ્ટની જાહેરાત કર્યા પછી, હવે નિર્માતાઓ આખરે તેનું શીર્ષક અને તે પણ એક શાનદાર ટીઝર સાથે જાહેર કરવા જઈ રહ્યા છે. તાજેતરમાં, નિર્માતાઓએ સોશિયલ મીડિયા પર થલાઈવાની આગામી ફિલ્મનું પોસ્ટર શેર કર્યું અને તેનું ટાઈટલ જાહેર કરવાની પણ જાહેરાત કરી. હવે આખરે તેનું નામ સામે આવ્યું છે.
- " class="align-text-top noRightClick twitterSection" data="">
આ છે રજનીકાંતની ફિલ્મનું ટાઈટલ: ફેન્સ ઘણા સમયથી રજનીકાંતની 171મી ફિલ્મના ટાઈટલની રાહ જોઈ રહ્યા હતા. હવે આખરે તેમની રાહ પૂરી થઈ છે અને થલાઈવાની ફિલ્મનું નામ સામે આવ્યું છે. મેકર્સે જબરદસ્ત ટીઝર સાથે ફિલ્મનું નામ રિલીઝ કર્યું છે. થલાઈવર 171નું ટાઈટલ હવે કુલી છે. રિલીઝ થયેલા ટીઝરમાં રજનીકાંત અદભૂત લુકમાં જોવા મળી રહ્યા છે. એક્શનથી ભરપૂર ટીઝરને દર્શકો દ્વારા ખૂબ પસંદ કરવામાં આવી રહ્યું છે.
લોકેશ કનકરાજ સાથે રજનીકાંતની પ્રથમ ફિલ્મ: લોકેશ થલાઈવા સાથે આ પ્રથમ વખત કામ કરી રહ્યો છે. લોકેશે કમલ હાસન અને થાલાપતિ વિજય સાથે બ્લોકબસ્ટર ફિલ્મો આપી છે અને હવે તે રજનીકાંત સાથે ધમાકો કરવા માટે તૈયાર છે. ફિલ્મમાં બાહુબલી ફેમ કટ્ટપ્પા એક્ટર સત્યરાજ પણ મહત્વના રોલમાં જોવા મળી શકે છે. હવે આ ફિલ્મ સાથે સાઉથ અને બોલિવૂડ એક્ટ્રેસ શ્રુતિ હાસનનું નામ જોડાયું છે. રિપોર્ટ્સનું માનીએ તો શ્રુતિ આ ફિલ્મમાં રજનીકાંતની દીકરીનો રોલ પ્લે કરશે. જો કે હજુ સુધી કોઈ સત્તાવાર જાહેરાત કરવામાં આવી નથી.
